Leervis: Verskil tussen weergawes

| name = Leervis

| image = Lichia amia.jpg

Die '''Leervis''' (''Lichia amia''), is 'n [[roofvis]] met 'n taai, leeragtige [[vel]]. Dit kom voor in die [[Middellandse See]], die oostelike [[Atlantiese Oseaan]] en reg rondom die [[Suid-Afrika]]anse kus tot by [[Maputo]]. In [[Engels]] staan die [[vis]] bekend as die ''Garrick''.

Die vis se kop en lyf is [[blougrys]] tot [[Groen|groenerig]] aan die bokant en [[Silwer (kleur)|silwerig]] aan die onderkant. Die vinne is donker. Die onvolwasse visse is [[geel]] bolangs met 6 tot 7 vertikale strepe wat oor die lyf loop. Dit het 'n opvallende geboë [[sylyn]] op die sye. Dit word 1.5 m lank en kan tot 32 kg weeg.

 

Hulle kom naby die kus in helder water voor en eet ander vis, veral [[elf (vis)|elf]], [[varkie]]s en [[strepie]]s. Leervisse jag as 'n groep saam. Die groter onvolwasse vis eet hoofsaaklik [[sardyn]]e, [[ansjovis]] en [[harder]]s. Dit is 'n gesogte [[Hengel|sportvis]].

 

Die [[wyfie]] skiet kuit aan die kus van [[KwaZulu-Natal]] gedurende [[September]] tot [[November]]. Die vis migreer saam die jaarlikse [[sardyn|sardiensstormloop]] noordwaarts vanaf die [[Oos-Kaap]] tot by KwaZulu-Natal.

 

* [[Alfabetiese lys van visse]]

* [[Lys van Suider-Afrikaanse visse volgens wetenskaplike name]]

* [[Lys van visfamilies]]

 

* Sea Fishes of Southern Africa. Rudy van der Elst & Dennis King. 2006. ISBN 978-1-77007-345-6.

* Gids tot die kusgebiede van Suid-Afrika. Jacana Media. 2007. ISBN 978-1-77009-215-0.