Marantz: Verskil tussen weergawes

Content deleted Content added
No edit summary
Voyageur (besprekings | bydraes)
k Hersien
Lyn 35:
=== Beginjare ===
 
Die Amerikaner Saul Bernard Marantz ([[1911]]-[[1997]]), 'n kommersiële kunstenaar, was in die vroeë 1950's ontevrede met die gehalte van industrieel vervaardigde versterkers en het dus in Kew Gardens, 'n buurt in die New Yorkse stadsdeel Queens, begin om self oudio-komponente te ontwikkel en met die hand te bou. Uit hierdie vroeë periode dateer die ''Audio Consolette Model 1'', 'n mono-voorversterker wat van elektronebuise voorsien is.
 
Wat eers 'n stokperdjie was, het in [[1953]] met die stigting van die ''Marantz Company'' in Long Island, New York uiteindelik 'n beroep geword. In die volgende jaar het Sidney Stockton hom by die jong onderneming aangesluit en in [[1956]] die ''Model 2'' ontwikkel. Die ''Marantz''-hoofkwartier is intussen na die Broadway in Manhattan verskuif. Vervolgens is die voorversterker ''Model 7'' ([[1959]]), die stereo-eindversterker ''Model 8'' en die mono-eindversterker ''Model 9'' ([[1961]]) ontwikkel.
 
=== Die 1960's en 1970's ===
[[Lêer:Marantz 1122DC.jpg|thumb|regsduimnael|Die geïntegreerde versterker ''Marantz 1122 DC'' is tussen 1977 en 1980 vervaardig]]
Omstreeks [[1960]] was ''Marantz'' se gesofistikeerde elektronebuis-oudiokomponente slegs vir 'n klein eksklusiewe groep kopers bekostigbaar. In 1961 is Richard Sequerra as hoofingenieur aangestel. Hy het met die FM-radio-ontvanger ''Model 10'' die ossiloskoop as tuning-aanwyser ingevoer. [[NASA]] het vir die [[Apollo-program|Apollo-ruimtevaartprogram]] 'n aangepaste variant van die eindversterker ''Model 9'' onder die naam ''9120'' in radarstasies gebruik.
 
In [[1964]] het Saul Marantz sy onderneming aan die [[Kalifornië|Kaliforniese]] ''Superscope Company'', en die hoofkwartier is in die volgende jaar na Chatsworth in Kalifornië verskuif. Vir die ontwikkeling van nuwe oudiokomponente het Marantz nou steeds meer gebruik van transistortegnologie gemaak. 'n Groot deel van die vervaardiging is deur ''Superscope'' in die middel van die sestigerjare na [[Japan]] verskuif. Ook die samewerking met ''Standard Radio Corporation'' het in hierdie tyd begin. Japans-vervaardigde komponente dra die opskrif "Gekonstrueer in die VSA, vervaardig in Japan". Slegs luukse modelle is steeds in Amerikaanse aanlegte vervaardig. In [[1968]] het Saul Marantz hom aan die bestuur van die onderneming onttrek.
 
In [[1970]] was Saul Marantz by die stigting van die luidspreker-vervaardiger ''Dahlquist'' betrokke en was saam met Sidney S. Smith as vervaardigingskonsultant vir dié onderneming werksaam. In [[1972]] het ''Superscope'' in Japan ''Marantz Far East'' gestig. Drie jaar later is 50 persent van ''Superscope'' se aandele aan die Japanse ''Standard Radio Corporation'' verkoop wat die naam van die onderneming na ''Marantz Japan'' gewysig het.
 
Om die toenemende las van kostedruk te verlig, was die onderneming nou onverbiddelik wat besparings betref het. So is die sorgvuldig ingegraveerde opskrifte op die frontplate van komponente deur 'n minder duursame sifdruk vervang. Vervaardigingsbedrywighede in die Verenigde State is geleidelik gestaak. In hierdie tydperk het ''Marantz'' se produkprogram naas versterkers en radio-ontvangers ook platespelers en luidsprekers ingesluit.
 
Op [[Europa|Europese]] markte, en hier veral in [[Duitsland]], [[Italië]] en [[Switserland]], het Marantz vanaf [[1972]] met meer bekostigbare komponente 'n deurbraak behaal. Die [[Verenigde Koninkryk|Britse]] mark was moeiliker om in te dring aangesien dit deur inheemse vervaardigers soos ''Quad'', ''Leak'' en ''Radford'' oorheers is en ''Marantz'' se produkte hier nog steeds in 'n hoër prysklas geval het. Teen die middel van die 1970's het Marantz ook [[omringklank|kwadrofoniese]] hoëtroustelsels en kwadro-omskakelaars vir bestaande stereostelsels aangebied.
 
In [[1979]] het ''Marantz'' sy prestigieuse ''Esotec''-reeks aan die publiek bekend gestel. In dieselfde jaar het die Japanse ingenieur Ken Ishiwata hom by die onderneming aangesluit. Hy het bekendheid met die opgradering van standaardkomponente verwerf waarby dele, wat 'n beslissende rol by die lewensgetroue weergawe van klank gespeel het, deur meer gesofistikeerde produkte vervang is. Hierdie luukse oudiokomponente is later as ''KI Signature''-reeks bemark.
 
=== Die 1980's en 1990's ===
In [[Desember]] [[1980]] is die sake van ''Marantz'' volledig van ''Philips'' oorgeneem. So het Marantz in die tagtigerjare net soos sy Nederlandse moedermaatskappy digitale klanktegnologie begin ontwikkel. In [[1983]] is Marantz se eerste CD-speler op die mark ingevoer. Dit was eintlik die ''Philips''-speler ''CD-100'' wat net die ''Marantz''-kenteken gedra het.
 
Omstreeks [[1986]] het Saul Marantz saam met sy vennoot John Curl na die onderneming teruggekeer om die nuwe ''Lineage''-reeks te ontwikkel. ''Lineage''-komponente het onmiddellik groot sukses behaal sodat die eerste produksie op die ''[[Consumer Electronics Show]]'' spoedig uitverkoop was. Om gesondheidsredes was Saul Marantz egter kort daarna genoodsaak om hom weer aan die onderneming te onttrek. ''Marantz'' het intussen met die laserskyf-speler ''CDV-780'' sy eerste video-komponent bekend gestel.
 
In die 1990's het oudio- en videotegnologie begin saamsmelt. Tydens die IFA-uitstalling van verbruikerselektronika in [[Berlyn]] het ''Marantz'' in [[1991]] die eerste CD-opnemer ''CDR-1'' bekend gestel wat professionele digitale klankopnames vir privaat verbruikers moontlik gemaak het. Die eerste THX-gesertifiseerde versterker ''SM-80'' is in [[1992]] op die mark ingevoer, en vier jaar later het die eweneens THX-gesertifiseerde tuisteater-ontvanger ''SR-96'' gevolg. Die tuisteaterprogram is aangevul deur die video-projektor ''VP8770'' en die plasma-televisietoestel ''PD4280''.
 
Op [[16 Januarie]] [[1997]] is Saul Bernard Marantz op die ouderdom van 85 oorlede.
In die laat 1990's het ''Marantz'' die vervaardiging van die elektronebuis-versterkers ''Model 7'', ''8'' en ''9'' hervat. Hierdie komponente is deur die ''Valve Amplification Company'' in Durham, [[Noord-Carolina]] met die hand vervaardig.
 
=== 21ste eeu ===
[[Lêer:Taiwan Denon Marantz authorized saler horizontal banner.jpg|thumb|regsduimnael|Die naambord van 'n gemagtigde ''Denon/Marantz''-handelaar in die [[Republiek van Sjina]]]]
In [[2000]] het Marantz sy eerste [[Super Audio CD]]-speler ''SA-1'' bekend gestel. ''Marantz Japan Inc.'' het in [[Mei]] [[2001]] alle ''Marantz''-handelsmerk- asook die verspreidingsregte vir Europa en die VSA van ''Philips'' gekoop. Die onderneming het filiale in Duitsland, [[Frankryk]], die Verenigde Koninkryk, Nederland en die VSA gestig.
 
In [[2002]] het ''Marantz'' met sy mededinger ''[[Denon]]'' saamgesmelt om die nuwe maatskappy ''D&M Holdings, Inc.'' te vorm. Ook ander bekende vervaardigers en handelsmerke van die hoëtrou- en klanktegnologiebedryf soos ''McIntosh'', ''Boston'', ''Snell'', ''Escient'', ''Denon DJ'', ''Calrec'', ''D&M Professional'' en ''D&M Premium Sound Solutions'' maak deel uit van dié houermaatskappy. Die verskillende produklyne van hierdie vervaardigers word steeds selfstandig ontwikkel, vervaardig en bemark.
 
''Philips'' het in [[2008]] sy samewerking met ''Marantz'' ná 28 jaar gestaak.
 
== Bron ==