Kameelperd: Verskil tussen weergawes

Die '''kameelperd''', (''Giraffa camelopardalis''), is 'n [[soogdier]] van die familie [[Giraffidae]]. Hulle het kenmerkende lang nekke, en kom algemeen in die [[Nasionale park|nasionale parke]] in die Noorde van [[Suid-Afrika]] voor.

Kameelperde het 'n kenmerkende voorkoms, met hul lang nekke en relatief kort lywe. Hulle word 4,3 - 5,7m lank. Die bulle is effens langer as die koeie. Die langste bul, waarvan ons weet, was 5,88 m lank, en die langste koei 5,17 m. Die gemiddelde kameelperbulkameelperdbul weeg ongeveer 1200 kg, en die koei is aansienlik ligter teen 830 kg. Sovêr bekend het die swaarste bul 1930 kg geweeg, en die swaarste koei 1180 kg.

Kameelperde het kleurvisie, en kan goed hoor en ruik. Hulle kan hul neusgate toemaak om hul teen [[Mier|miere]] en [[Sandstorm|sandstorms]] te beskerm. Die beweegbare tong is donkerpers, ongeveer 45 cm lank en word gebruik om [[Blaar|blare]] mee te gryp asook om die kameelperd se gesig mee skoon te vee.

Die kameelperd se pels bestaan uit 'n ligbruin agtergrond met donkerbruin tot orangeoranje kolle daarop. Kameelperde kan aan hulle kolle uitgeken word, aangesien daar nie twee kameelperde met presies dieselfde kolle is nie. Die kleurpatroon dien waarskynlik as kammoflering[[kamoeflering]]. Onderkant sy hare is die vel meestal grys. Die dik vel dien ook as beskerming teen dorings. Daar is kort [[maanhare]] wat regop staan aan die agterkant van die nek. Die stert is omtrent 'n meter lank en eindig in klossie hare wat gebruik word om [[Vlieg (dier)|vlieë]] en ander [[Insek|insekte]] mee weg te jaag. Beide die bulle en koeie het twee kort horingatige groeisels op hul koppe. Dit is in werklikheid nie [[Horing|horings]] nie, maar [[Kraakbeen|kraakbeengroeisels]] wat deel van die kopbeen uitmaak en met vel en hare bedek is.

Na 'n draagtydperk van 14 tot 15 maande word een kalf gebore, gewoonlik tussen Oktober en Januarie. Die kalfie weeg reeds met geboorte tussen 40 en 60 kg en is dan 180 cm hoog. Net soos beeste is kameelperde ook herkouers.Hulle het uitsonderlike sterk spiere wat hul [[slukderm]] se beweging beheer. Dit word benodig om die kos van die maag na die mond op te lig tydens herkouing.

Hulle is herbivore en eet die blare en fyn takkies van bome, met 'n voorliefde vir [[Acacia|Acacias]] (doringbome). Soms eet hulle egter ook struike, gras en vrugte. 'n Gemiddelde kameelperd eet ongeveer 34 kg plantmateriaal daagiks. Indien daar water beskikbaar is, drink hulle ten minste elke drie dae. Hulle wei die meeste gedurende die eerste en laaste dagligure, en herkou hierdie kos dan vir die res van die dag en nag. Saans [[herkou]] hulle terwyl hulle lê.

Die naas-verwante diere aan kameelperde is die [[okapi]].