Verskil tussen weergawes van "Renoster"

931 grepe bygevoeg ,  4 jaar gelede
Daar heers onsekerheid oor waar die name ''Wit-'' en ''Swartrenoster'' vandaan kom, aangesien daar byna geen kleurverskil tussen hulle is nie. Een algemene verklaring is dat die Afrikaanse/Nederlandse naam wat destyds vir die Witrenoster gebruik is die ''Wye/Wijderenoster'' was. Dit sou na die grasvretende Witrenoster se wye breë bek verwys het. Die Engelse sou dan hierdie ''wyd'' foutiewelik as ''white'' vertaal het, en die Boere sou dan weer op hulle beurt die Engelse naam ''White rhinoceros'' vertaal en by ''Witrenoster'' opëindig. Die Swartrenoster se naam sou dan volg as die naam vir die spesie wat nie die Witrenoster is nie.
 
Hierdie verklaring word egter betwis, en daar is geen duidelike antwoord te vinde nie <ref>Rookmaker (2003) "Why the name of the white rhinoceros is not appropriate" , Pachyderm Jan-Jun 2003, toegang via http://www.rhinoresourcecenter.com/pdf_files/117/1175858144.pdf op 11 Junie 2016</ref>. Die gebruik van "wyd" of "wydbek" renoster is nêrens in 18e en 19e eeuse Nederlandse geskrifte aan die Kaap te vinde nie. As dit 'n algemene naam vir die dier was sou mens verwag het dat dit ten minste êrens genoem word. In Engels is die naam White rhinoceros vir die eerste keer in 1798 opgeteken, en van die begin af was daar bespeigelings oor die naam se oorsprong. Daar was 'n hele reeks verduidelikings wat oor die volgende eeu voorgestel is, onder andere: die Witrenoster is moontlik effens ligter as die Swartrenoster; die Witrenoster bad in modder wat hom soms ligter laat voorkom; die Witrenoster se horing is 'n ligter kleur aan die binnekant. Die teorie dat ''White rhinoceros'' 'n korrupsie van 'n Afrikaanse woord is, is eers in 1930 geopper en het aanvanklik nie veel aanhang geniet nie, maar is in die 1950s gepopulariseer. Dit is dus net een van menigte teorieë.
 
== Verskillende spesies ==
610

wysigings