Republiek van Swellendam: Verskil tussen weergawes

[[Beeld:Flag of the Netherlands.svg|thumb|right|250px|Die nuwe vlag van Nederland wat gebruik is om die onafhanklikheid van die VOC aan te dui wat steeds die vlag met die Oranje band gebruik het]]
Die '''Colonie van Swellendam''' kom tot stand toe sowat sestig [[Kaapkolonie|Kaapse]] burgers op [[17 Junie|17]] en [[18 Junie]] [[1795]] onder leiding van [[Petrus Delport]] die drosdy beset en die landdros van [[Swellendam]], [[Anthonie Faure]] en sy amptenare dwing om te bedank. Die voorval vind plaas enkele maande na [[Marthinus Prinsloo]] 'n waarnemende regering in die [[Colonie van Graaf-Reinet]] vestig op [[4 Februarie]] [[1795]]. Die opstand en selfregering is gemotiveer deur ongelukkigheid met belastingbetaling aan die [[VOC|Kompanjie]] en die verbod op inboek van [[Khoi-Khoi]]-kinders op plase. Hoewel 'n ''nasionale landdros'' aangestel is en die ''nasionale konvensie'' as regering gedien het, is die regering in [[Die Republiek van die Sewe Verenigde Nederlande|Vrye Republiek van Nederland]] erken en is daar nie beoog om 'n republiek te stig nie.