Kabeljou: Verskil tussen weergawes

Die '''Kabeljou''' (''Argyrosomus inodorus'') is 'n [[vis]] wat deel van die ''[[Sciaenidae]]''-familie is en aan die [[Weskus]] van [[Suid-Afrika]] voorkom vanaf [[Namibië]] tot by die [[Groot-Keirivier]]. Dit is 'n gesogte eetvis. In Engels staan die vis bekend as die ''Silver kob''. Daar is weinige fisiese verskille tussen die Kabeljou en die [[Boerkabeljou]], derhalwe word altwee kabeljou genoem.

Die vis is silwer met 'n pienk skynsel op die rug. Kenmerkend is die ry pêrelagtige wit kolle op die sye. Die Boerkabeljou is groter as die Kabeljou; die gemiddelde grote Kabeljou wat gevang word is 10 kg, maar die boerkabeljou kan tot 35 kg swaar word. Die kabeljou se pektorale vin is langer as die Boerkabeljou s'n en die vis is ietwat ligter van kleur as die Boerkabeljou.