Henry Fagan: Verskil tussen weergawes

Henry Fagan is op [[4 April]] [[1889]] op [[Tulbagh]] in die [[Wes-Kaap]] gebore. Hy het letterkunde aan die [[Universiteit van Stellenbosch]] studeer van 1905 en daarna vir 'n kort ruk aan die [[Kweekskool]] op [[Stellenbosch]] studeer. Fagan se vader wou egter gehad het dat hy 'n advokaat word en het vir privaat lesse in die regte betaal terwyl hy nog in die [[Kweekskool]] was. In [[1910]] is hy as deeltydse lektor in [[Nederlands]] aangestel. Dit het sy teologiese studie onderbreek en finaal daartoe gelei dat hy 'n beroep in die regte sou volg. Hy het sy LL.B. in [[1914]] by die Universiteit van Londen voltooi en is tot beide die Engelse en Kaapse balie toegelaat. In [[1915]] keer hy na Suid-Afrika terug om in die regte te praktiseer.<ref name="Duffy">Dr Jo Duffy, [http://general.rau.ac.za/sociology/duffy.pdf Afrikaner nationalism, the National Party and the Afrikaner nationalist radical right in Stellenbosch, 1934–1948], University of Oxford, Seminar 2002/21, afgelaai op 6 Junie 2007]</ref>

 

 

Hy het mettertyd by die politiek betrokke geraak. In die [[1929]] algemene verkiesing het hy as kandidaat vir die [[Nasionale Party]] in die [[Hottentots-Holland (kiesafdeling)|Hottentots-Holland]]-kiesafdeling gestaan. Hy het egter met 327 stemme verloor. In [[1933]] staan hy weer vir die Nasionale Party, die keer op [[Swellendam (kiesafdeling)|Swellendam]] waar hy dan ook die setel wen. In [[1934]] breek hy weg van die Nasionale Party na die party se samesmelting met die [[Suid-Afrikaanse Party]] in die [[Verenigde Party]]. Ná versoeke van partyleiers in beide partye in Robertson, Bonnievale, Montagu en Swellendam stem hy egter in om as Volksraadslid aan te bly. Hy dien 'n aantal jare lank in die parlement as 'n sogenaamde ''onafhanklike Nasionalis''. In [[1936]] besluit hy egter om wel by die [[Verenigde Party]] onder [[James Barry Munnik Hertzog|J.B.M. Hertzog]] aan te sluit. in 1936 is hy ook betrokke by die stigting van [[Unie-Volkspers]] en ''[[Die Suiderstem]]'', die Verenigde Party se amptelike Afrikaanse mondstuk in Kaapstad.<ref name="Duffy" />