Gereformeerde kerk Bloemfontein: Verskil tussen weergawes

Lidmate van die Gereformeerde Kerk wat in en om [[Bloemfontein]] gewoon het, het aanvanklik hul kerklike voorregte op [[Reddersburg]] geniet waar ds. [[Dirk Postma]] die [[Gereformeerde kerk Reddersburg|plaaslike Gereformeerde kerk]] reeds in 1859 as een van die eerste sewe gemeentes in die land gestig het. Reddersburg is ook die oudste gemeente in die Vrystaat. Namate die plaaslike Gereformeerdes se getalle toegeneem het, het die predikant van Reddersburg hulle as 'n afsonderlike wyk bearbei, maar in 1903 staan die Algemene Vergadering die versoek toe om die stigting van 'n afsonderlike gemeente onder die konsulentskap van ds. [[Willem Postma]], predikant van [[Gereformeerde kerk Bethulie|Bethulie]] van 1897 tot 1903, hoewel hy tydens die [[Tweede Vryheidsoorlog]] na [[Middelburg, Oos-Kaap|Middelburg, Kaap]] verban is. Die gemeente is amptelik gestig op [[13 Junie]] [[1903]]. Die eerste kerkgebou was op die hoek van Cricket- en Oos-Burgerstraat.