|
<div style="float:right;width:260px;">
[[Beeld:Kasteel.gif|thumb|left|250px|Die Kasteel van Goeie Hoop]]<br>
[[Beeld:Kasteelbinnehof.jpg|thumb|left|250px|Die Kasteel van Goeie Hoop]]
</div>
Die '''Kasteel van Goeie Hoop''' in [[Kaapstad]] is die oudste gebou in [[Suid-Afrika]]. Gebou tussen [[1666]] en [[1679]] deur die [[VOC]] (Vereenigde Oost-Indische Compagnie), vervang hierdie vesting 'n klein klei- en houtfort gebou in [[1652]] deur [[Jan van Riebeeck]], stigter van die halfwegstasie by die Kaap van Goeie Hoop.
In [[1664]] was daar herlewing van gerugte van oorlog tussen [[Brittanje]] en [[Nederland]] en daar was vrese vir 'n Britse aanval op die Kaap. Gedurende dieselfde jaar is [[Zacharias Wagenaer]] beveel om 'n vyfpunt klipkasteel te bou. Op [[26 April]] [[1679]] is die vyf bastions (punte) vernoem na die hooftitel van Willem, die Prins van Oranje. Die westelike bastion is genoem Leerdam; gevolg kloksgewys deur Buuren, Catzenellenbogen, Nassau en Oranje.
In [[1682]] vervang die hekopening die ou ingang wat aan die see gefront het. Die kloktoring, geleë bo die hoofingang is gebou in [[1684]]. Die oorspronklike klok , die oudste in Suid-Afrika, is gegiet in [[Amsterdam]] in [[1697]] by Claude Fremy en weeg 300 kg. Dit was gebruik om die die ure aan te dui en burgerlikes te waarsku in geval van gevaar en kon tot 10 km ver gehoor word. Dit was ook gelui om inwoners en soldate te roep vir belangrike aankondigings.
Binne die mure van die Kasteel was daar ondere andere 'n kerk, bakkery, werkswinkels, leefkwartiere, winkels, selle en 'n verskeidenheid ander fasiliteite. Die geel verf op die mure was gekies as gevolg van die vermoë om hitte en fel sonlig te verminder. 'n Muur verdeel die binnehof van die kasteel. Die verdeling is gedoen om inwoners te beskerm in geval van 'n aanval. Die bekende Kat Balkon is 'n uitstaande kenmerk van die verdelingsmuur. Die oorspronklike balkon was gebou in [[1695]] en is herbou in sy huidige vorm deur die VOC tussen [[1786]] en [[1790]]. Vanaf die balkon is aankondigings gedoen aan soldate, slawe en burgers van die Kaap. Die balkon lei na die beroemde William Fehr-versameling van historiese skilderye en outydse meubels, wat betrekking het op die Kaap van Goeie Hoop.
In [[1936]] is Kasteel van Goeie Hoop tot 'n nasionale monument verklaar. As gevolg van 'n uitgebreide restourasieproses wat van stapel gestuur is in die 1980's, is die Kasteel van Goeie Hoop die bes bewaarde fort van sy soort wat gebou is deur die VOC waar dit belange gehad het.
Die Kasteel van Goeie Hoop was die plaaslike hoofkwartiere van die Suid-Afrikaanse weermag in die [[Wes-Kaap]] en huisves die militêre museum en seremoniële fasiliteit vir tradisionele Kaapse Regimente.
[[Kategorie:Kaapstad]]
[[de:Castle of Good Hope]]
[[en:Castle of Good Hope]]
[[nl:Kasteel van Goede Hoop]]
| 