Willem de Klerk: Verskil tussen weergawes

== Redakteur van ''Die Transvaler'' ==

[[Beeld:Ds Willem de Klerk as student, 1952.jpg|duimnael|links|200px|Willem de Klerk toe hy op universiteit in die TSV-bestuur gedien het.]]

Carl Nöffke het in sy laaste hoofartikel as redakteur van ''[[Die Transvaler]]'' op [[13 Augustus]] [[1973]] geskryf staatkundige afsonderlikheid is ’n beginsel wat voor elke vierskaar van moraliteit en regverdigheid verdedig kan word. Verdedig dit net gereeld en sonder enige toegewings. Die volgende dag skryf Willem de Klerk, wat van die Potchefstroomse Universiteit vir CHO [[Johannesburg]] toe gekom het om redakteur van ''Die Transvaler'' te word, die verwantskap van die koerant met die [[Nasionale Party]] is ’n vrywillige vennootskap op die raamwerk van basiese beleidstroom. Dis nie napraat nie, maar saampraat – en as dit verantwoord is, teenpraat. De Klerk is as redder van [[Perskor]] se vlagskip verwelkom wat die aanslag uit die Suide (van [[Nasionale Pers]]) moes afweer. Van hom skryf [[Dirk Richard]]<ref>Richard, Dirk. 1985. ''Moedswillig die uwe. Perspersoonlikhede in die Noorde''. Johannesburg: Perskor.</ref>: “Willem de Klerk het ’n skerp brein en aanpassingsvermoë, hy weet hoe om te werk en hy het ’n innemende geaardheid wat mense na hom toe aantrek.” Hy het in ’n politieke huis grootgeword. Sy vader, sen. [[Jan de Klerk]], het as partysekretaris van die N.P. in Transvaal begin en later minister geword. Sy oom was adv. [[J.G. Strijdom]] en sy jonger broer, [[F.W. de Klerk]], was vroeg reeds op ’n politieke koers wat uiteindelik tot minister- en presidentskap gelei het.