Die Kerkblad

Die Kerkblad is ’n maandelikse tydskrif wat besit en 11 keer per jaar uitgegee word deur die Gereformeerde Kerke in Suid-Afrika (GKSA). Dit word met behulp van die Redaksiekommissie en onder toesig van die GKSA se Deputate vir Kerklike Tydskrifte gepubliseer, maar is nie die GKSA se amptelike mondstuk nie.

Die eerste uitgawe van die voorloper van Die Kerkblad het op 1 April 1873 onder redaksie van prof. Jan Lion Cachetop Burgersdorp verskyn as De Maandbode. Hy was van 1869 tot 1875 leraar van die Gereformeerde kerk Burgersdorp, waar hy ook dosent vir die voorbereidende vakke was aan die Teologiese Skool Burgersdorp, gestig in 1869. Prof. Cachet het in 1892 na Burgersdorp teruggekeer en is deur die Sinode van 1894 vas aangestel as enigste professor in die teologie aan die skool van die Gereformeerde Kerk op Burgersdorp om die volle predikante-opleiding te behartig en die rektorskap van die skool met sy voorbereidende afdeling waar te neem. In dieselfde jaar verskyn die laaste uitgawe van De Maandbode met prof. Stefanus Postma as Cachet se mederedakteur. Prof. Cachet het aanvanklik De Maandbode op eie rekening en risiko uitgegee om die horison van gemeentelede in die hele kerkverband te verbreed, skole onder die pioniersvolk te propageer, en om die lidmate sendingbewus te maak.

Ná ’n jare lange onderbreking, waartydens die Tweede Vryheidsoorlog van 1899 tot 1903 gevoer is en die Sinode van 1904 besluit het om die Teologiese Skool na Potchefstroom te verskuif, verskyn Het Kerkblad die eerste keer daar op 1 April 1906, weer met Cachet as redakteur. Van 1 Junie [[1922] verskyn die blad as Die Kerkblad met dr. J.D. Totius en ds. T. Hamersma as redakteurs.

Bronne

• (af) GKSA Byderhand. URL besoek op 26 Julie 2016.