Bulls (Verenigde Rugbykampioenskap): Verskil tussen weergawes

Content deleted Content added
k spelling: agtien
Alias (besprekings | bydraes)
k komma tussen werkwoorde
Lyn 68:
In 2006 het die Bulls weer na die uitspeelrondes deurgedring nadat hulle vierde op die punteleër geëindig het. Hierdie keer het hulle na Christchurch gereis om teen die [[Crusaders (Superrugbyspan)|Crusaders]] in die halfeindronde te speel. Hulle het daar met 35 - 15 verloor.
 
2007 was een van die Bulls se beste seisoene en hulle het 11 van hul rondomtaliewedstryde gewen. In die laaste ronde moes die Bulls met 72 punte teen die [[Reds (Superrugbyspan)|Reds]] wen om ’n tuishalfeindstryd te verseker. Hulle het die Reds met 92 - 3 gewen (die grootste oorwinning tot nog toe in Superrugby) wat beteken het dat hulle tweede op die punteleër geëindig het. Dit het ook beteken dat die Bulls ’n tuishalfeindstryd<ref name=semi>{{en}} {{Cite web| publisher=Reuters|title=Rugby-Bulls blitz Reds 92-3 to earn home semi-final |url=http://uk.reuters.com/article/rugbyNews/idUKL0562960320070505 |date=2007-05-05 |accessdate=2007-05-06}}</ref> teen die wenners van die vorige seisoen, die Crusaders, behaal het. Die Bulls het die wedstryd met 27 - 12 gewen en hulle het na Durban gereis vir die eindstryd teen die [[Sharks (Superrugbyspan)|Sharks]]. Die Bulls wen ’n spannende wedstryd na meer as 80 minute met ’n doelskop van [[Derick Hougaard]]. Nadat die sirene die einde van die wedstryd afgekondig het, het [[François Steyn]] van die Sharks besluit om die bal in spel te hou. Hy het die bal vorentoe geskop, [[Bryan Habana]] het die bal bemeester en deurgehardloop om die wendrie te druk. Derick Hougaard moes die drie verdoel om die telling 20 - 19 te maak. Die Bulls het in daardie jaar die eerste Suid-Afrikaanse span geword wat die Superrugbykompetisie kon wen.
 
Die volgende jaar het die Bulls nie daarin geslaag om hul titel suksesvol te verdedig nie en het die seisoen afgesluit met ’n tiende plek. In 2009 het die Bulls verbeter op hul sukses van 2007 en het tien wedstryde gewen om bo-aan die punteleër geëindig. Die Bulls moes weer teen die Crusaders speel in die halfeindronde en het die wedstryd in Pretoria met 36 - 23 gewen. Daarna het hulle teen die [[Chiefs (Superrugbyspan)|Chiefs]] in die eindrondte gespeel. Dit was ’n eensydige wedstryd wat die Bulls met 61 - 17 gewen het.