Johannes de Ridder: Verskil tussen weergawes

Content deleted Content added
Morne (besprekings | bydraes)
Morne (besprekings | bydraes)
Lyn 24:
 
== Predikant ==
Op [[6 Mei]] [[1880]] is hy tot proponent toegelaat en het predikant van die [[Gereformeerde kerk Rustenburg|Rustenburg]] geword toe hy al 46 jaar oud was. Hy was die gemeente se vierde leraar, ná di. [[Dirk Postma]] (1859–1866), [[Jan Lion Cachet]] (1868–1869) en [[Louw du Plessis]] (1872–1880). Hy sou 16 jaar lank hier die Woord verkondig tot aan sy dood in 1896, toe hy opgevolg is deur ds. [[Dirk Postma jr]]. (1897–1905), wat op sy beurt opgevolg is ds. Louis Vorster (1905–1920). Op [[12 Januarie]] [[1889]] het ds. De Ridder die [[Gereformeerde kerk Pietersburg]] gestig toe hy tesame met ouderlinge H.J. Smit en C.B. Swanepoel van [[Gereformeerde kerk Waterberg|Waterberg]] na [[Pietersburg]] gegaan het. Vir dié geleentheid is die pakhuis van ou Moschke in die hande gekry. (Die pakhuis het nog met die eeufeesviering van die Gereformeerde Kerkverband in 1959 agter die winkel African Stores gestaan.)
 
Hy was 'n "ywerige, getroue en geliefde herder". Sy preke was ernstig, weldeurdag en opbouend: hy was leersaam in katkisasie, van "zachtmoedige wandel". Nadat krankheid hom oorval het, kon hy in die laaste jaar van sy lewe net met pyn sy diens verrig. Begin Oktober het die kerkraad hom twee maande verlof gegee, waarna hy na [[Standerton]] vertrek het. Volgens sommige bronne het hy sy demissie op Rustenburg aanvaar om 'n beroep na die [[Gereformeerde kerk Standerton]] aan te neem, alwaar hy in die amp oorlede is. Daar by sy skoonseun, Jan Eloff, is hy op 31 Oktober 1896 oorlede.