'''Thebe''' ([[Antieke Grieks]]: '''Θῆβαι''', ''Thēbai'', Moderne Grieks: '''Θήβα''', ''Thiva''), is ‘n'n stad in [[Griekeland]], geleë aan die noordekant van die [[Kithaeron]]-bergreeks, wat [[Boiotië]] skei van [[Attika, Griekeland|Attika]], en aan die suidelike rand van die [[Boiotiese vlakte]]. Dit het ‘n'n belangrike rol in [[Griekse mitologie]] gespeel, as die ligging van die verhale van [[Kadmos]], [[Oedipos]], [[Dionysos]] en andere. [[Argeologie]]se uitgrawing in en rondom Thebe het ‘n'n [[Mykeense Griekeland|Mykeense]] nedersetting en [[kleitablet]]te onthul, in die [[B-lineêr]]e skriftipe, aanduidend van die [[Bronstyd]]se belang van die ligging. In antieke tye, was Thebe die grootste stad van die streek [[Boiotië]] en leier van die Boiotiese konfederasie. Dit was ‘n'n oortuigde teenstander van antieke Athene, en het hul by die Perse geskaar tydens die inval van 480 v.C. onder leiding van [[Ahasveros]]. Thebaanse magte het die mag van [[Geskiedenis van Sparta|Sparta]] tot ‘n'n val gebring in die [[Veldslag van Leuktra]] in 371 v.C., onder leiding van hul aanvoerder [[Epaminondas]]. Die [[Heilige Troep van Thebe]] (‘n'n elite militêre eenheid) het opspraakwekkend gesneuwel in die slag van [[Veldslag van Chaironeia (338 v.C.)|Chaironeia]] in 338 v.C. teen [[Philippos II van Makedonië|Philippos II]] en [[Alexander die Grote]]. Voor die uitdelging deur Alexander in 335 v.C., was Thebe ‘n'n leidende mag in Griekse geskiedenis, en was tydens die Makedoniese verowering van Griekeland die mees dominante [[stadstaat]]. In die [[Bisantynse ryk|Bisantynse]] era was die stad ‘n'n erkenne verskaffer van [[sy]]stowwe.
Die moderne stad beskik oor ‘n'n argeologiese museum, die oorblyfsels van die [[Kadmea]] (Bronstyd en latere vestings), en verstrooide antieke artefakte. Moderne Thebe is die grootste dorp van [[Boiotië]]. Dit is geleë langs hoofweg E962, sowat 4 km suid van die aansluiting met die [[Griekse Nasionale Pad 1|E75]].
