Die gemeente was vroeër die Boesmanlandse wyk van die moedergemeente [[NG gemeente Namakwaland|moedergemeente Namakwaland]] op [[Springbok, Noord-Kaap|Springbok]]. In 1909 het die kerkraad van Namakwaland besluit die evangelis Pieter Malan moet veral sy aandag aan dié wyk gee met [[Namies]], die ou skool- en kerkplaas, as die sentrum. Die wyk is op [[23 Maart]] [[1912]] afgestig en het toe saam met dele van die gemeentes [[Kenhardt]] en [[NG gemeente Brandvlei|Brandvlei]] die gemeente Namies gevorm. Die gemeente was aanvanklik baie behoeftig, omdat die lidmate meesal rondtrekkende veeboere was.
Intussen is die dorpie [[Pofadder]] aangelê. Prop. A.F. Marais aanvaar 'n beroep in Mei 1914. 'n [[Pastorie]] word in 1920 op die dorp gebou en die huidigeeerste kerkgebou (van graniet) ingewy. Pofadder word toe die hoofsentrum, hoewel Namies nog 'n skool- en kerksentrum bly. Die gemeente verander sy naam van Namies na '''Pofadder''' in [[1928]].
Die gemeente toon die tipiese profiel van 'n plattelandse gemeente wat vroeër jare 'n wisseling in lidmaattalle aan droogte en voorspoed te wyte gehad het, maar die laaste paar dekades 'n geleidelike afname weens die ontvolking"ontblanking" van die platteland toon. In [[2006]] was hier 361 belydende lidmate en die leraar ds. P.F.C. Pieterse.
