Francis Bacon (wetenskaplike, 1561): Verskil tussen weergawes

Francis Bacon was die seun van 'n gerespekteerde juris en ook sy moeder kom uit 'n intellektuele familie. Wat opleiding betref volg Bacon sy vader se voetstappe. Hy studeer regte aan die [[Universiteit van Cambridge]] en die Gray’s Inn, een van die vier Londense geregshowe, wat ook studiesentra was. In Cambridge bestudeer hy onder andere werke van [[Aristoteles]] en [[Plato]]. Dit is waarskynlik hier dat hy kennis maak met die gedagtegoed van pre-Sokrates denkers. Teen die tyd dat Bacon die universiteit verlaat, het hy die filosofie van Plato verwerp. Tog het hy baie van Plato geleer.

 

 

Sy lewe word gekenmerk deur twee ambisies: 'n politieke en 'n filosofiese ambiesie. In 1621 eindig sy politieke loopbaan omdat Bacon van korrupsie beskuldig word. Hy moes hieroor aftree. Hy sterf in 1626 aan [[longontsteking]] wat hy opgedoen het tydens een van sy eksperimente.

 

Tussen [[1607]] en [[1612]] skryf Bacon 12 filosofiese werke. In [[1605]] publiseer hy die ''Advancement of Learning''. Bacon hoop dat daar hierdeur 'n nuwe soort wetenskap sou ontstaan. Daar blyk egter weinig belangstelling daarvoor. Hy skryf onder andere ''Thoughts and Impressions'' waarin hy voorstel dat ondersoekers klein kinders moet wees en dat deur eksperimente en induksie die alfabet van die natuur geleer kan word.

 

"''The senses, to which these particulars are for the most part available, can try the experiment, but only operation can establish the axiom which scientific definition becomes.''"

 

Bacon het induksie voorgehou as die metode vir wetenskaplike ondersoek en die werking daarvan in detail en met voorbeelde beskryf. As pionier van die wetenskaplike eksperiment en die opbou van kennis deur empiriese ondersoek het hy 'n groot en blywende invloed uitgeoefen. Self voer hy egter min eksperimente uit, en doen geen belanrike ontdekkings nie. Uit sy ''Meditationes Sacrae'' kom die gesegde ''scientia potentia est'' (kennis is mag).

 

 

== Eksterne skakels ==