C. Louis Leipoldt: Verskil tussen weergawes

Christiaan Frederik Louis Leipoldt is in [[Worcester]] in die destydse [[Kaapkolonie]] gebore, die vierde kind in sy gesin. Sy vader was 'n sendeling van die [[Rynse Sendinggenootskap]], ds. [[Christian Friedrich Leipoldt]]. Hy het op [[Clanwilliam]] grootgeword, huisskool gehad – sy moeder wou nie die Leipoldtkinders na die dorp se skool stuur nie – en het daarna as joernalis gewerk, onder meer vir ''De Kolonist'' en ''Het Dagblad''. Hy het ook vir menige oorsese koerant verslag gedoen oor die [[Tweede Vryheidsoorlog]], voordat hy hom in die [[geneeskunde]] bekwaam het, in die jare 1902 tot 1907, in Engeland. Die bekende plantkundige [[Harry Bolus]], 'n lewenslange vriend, het die geld vir sy studies aan hom geleen. Hy het daarna rondgereis oor die wêreld, toe vir 'n tydperk as skeepsdokter gewerk vir [[Joseph Pulitzer]], skooldokter in [[Londen]], as mediese inspekteur van skole<ref>{{cite book | author = C. Louis Leipoldt | year = 1937 | title = Bushveld Doctor | publisher = Jonathan Cape}}</ref> in die [[Transvaal]] en toe in [[Kaapprovinsie]], as joernalis en uiteindelik as kinderarts in [[Kaapstad]] in 1925. Hy is nooit getroud nie. Hy het wel 'n seun, Jeff, aangeneem. Hy was gek na die [[Hantamwyk]] – 'n pragtige, bergagtige gebied noord van Kaapstad, en na sy afsterwe in dié stad is hy begrawe in die Hantam, op die [[Pakhuispas]], in die [[Sederberg]], tussen Clanwilliam en [[Wupperthal]].