Oossee: Verskil tussen weergawes

Die '''Oossee''' (ook bekend as die '''Baltiese See''', afgelei van [[Latyn]]s ''Mare Balticum'') ’n [[see]] wat deel vorm van die [[Atlantiese Oseaan]] en omring word deur [[Denemarke]], [[Swede]], die [[Baltiese lande]] en [[Pole]].<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref> Dit is 'n binnesee in Noordoos-Europa met 'n wateroppervlakte van 413&nbsp;000 vierkante kilometer, 'n maksimale diepte van 459 meter tussen die [[Swede|Sweedse]] vasteland en die eiland [[Gotland]] en 'n waterinhoud van sowat 21&nbsp;600 kubieke kilometer.<ref>[http://www.wwf.de/downloads/wwf-magazin/juli-2008/ostsee-steckbrief/ ''WWF Duitsland: Steckbrief Ostsee'']</ref> Dit is die wêreld se grootste brakwatersee. Die Oosseegebied word -– afhangende van die geografiese definisie van die gebied -– deur tussen 50 en 85 miljoen mense bewoon.<ref>[http://www.hk24.de/produktmarken/standortpolitik/regionale_kooperationen/Ostseezusammen.jsp "Hamburg und der Ostseeraum", 25 Februarie 2010]</ref>

Soutwater uit die Noordsee en soet water uit riviere vermeng in die Oossee sodat sy soutgehalte byvoorbeeld net voor die Duitse eiland slegs 'n derde van dié van Noordseewater beloop. Die gemiddelde soutinhoud is slegs 0,8 persent en staan gelyk aan dié van brakwater.<ref>[http://www.wwf.de/downloads/wwf-magazin/juli-2008/ ''WWF Duitsland: Balanceakt Ostsee. Das jüngste Meer der Welt'']</ref> Dit maak van die Oossee 'n habitat vir [[plante]] en [[diere]] wat sowel in soet asook in soutwater kan lewe. Die groot verskeidenheid van landskapsvorme en habitatte is nie tot die kusgebiede beperk nie -– ook die Oossee se onderwaterwêreld varieer grootliks in hierdie opsig: Seegras- en steenvelde, fonteinkruidbosse, mosselbanke of rietvelde is net enkele voorbeelde.