In die [[Antieke Egipte|Egiptiese]] [[mitologie]] is '''Horus''', '''Horoes''' of '''Hor''' (Egipties: ḥr.w) een van doedie oudste gode. Hy is minstens vanaf die laat voordinastiese tydperk tot in die Grieks-Romeinse tye aanbid. Verskillende vorme van Horus word in die geskiedenis aangetref en geleerdes behandel hulle as verskillende gode.<ref name="oxford">"The Oxford Guide: Essential Guide to Egyptian Mythology", Edited by Donald B. Redford, Horus: by Edmund S. Meltzer, p164–168, Berkley, 2003, ISBN 0-425-19096-X</ref> Dié verskillende vorme kan dalk waarnemings van ’n veelvlakkige godheid wees waarin sekere eienskappe benadruk word – nie noodwendig teenstrydig nie, maar komplementêr.<ref>"The Oxford Guide: Essential Guide to Egyptian Mythology", Edited by Donald B. Redford, p106 & p165, Berkley, 2003, ISBN 0-425-19096-X</ref> Hy is meestal as ’n valk of ’n man met die kop van ’n valk uitgebeeld.<ref>Wilkinson, Richard H. (2003). ''The Complete Gods and Goddesses of Ancient Egypt''. Thames & Hudson. p. 202.</ref> Een van sy talle vorme was as '''Haroeris''' (Horus die ouere).
