Derry: Verskil tussen weergawes

Content deleted Content added
Voyageur (besprekings | bydraes)
kNo edit summary
Voyageur (besprekings | bydraes)
kNo edit summary
Lyn 153:
Die verskillende name en byname, waarmee na die stad verwys word, weerspieël sy geskiedkundige en argitektoniese erfenis. Die oorspronklike [[Iers]]e stadsnaam ''Daire'' of ''Doire'' beteken "eikebos" en is later verengels tot Derry. Derry is as eerste beplande stad in Ierland in 1613 deur Britse setlaars naby 'n ouer Ierse nedersetting gestig. Volgens 'n koninklike oktrooi, wat op 10 April 1662 aan Derry verleen is, is die voorsetsel ''London'' voor die stadsnaam gevoeg - 'n verwysing na die betreklik groot finansiële bydrae wat Londen se invloedryke gildes tot die setlaarskolonie gemaak het, ongeag die ''[[City of London]]'' se ambivalente houding teenoor die projek. Weens sy ondeurdringbare stadsmure, wat tydens die Beleg van Derry in 1688 en 1689 nie ingeneem kon word nie, is aan die stad later die bynaam Maiden City verleen. Terwyl dit vandag algemeen as Derry bekend staan, is Londonderry as die amptelike naam eweneens steeds in gebruik, veral onder Noord-Ierse Protestantse Unioniste.
[[Lêer:Bootshawe langs die Foylerivier, Derry.jpg|duimnael|links|Foyle Port, 'n bootshawe langs die Foylerivier]]
[[Lêer:Uitsig oor die Rooms-Katolieke Bogside-kwartier in Derry.jpg|duimnael|links|Die Rooms-Katolieke Bogside van Derry is in Augustus 1969 ná 'n optog van die Protestantse broederskap ''Apprentice Boys of Derry'' deur swaar onluste geteister en drie dae lank deur polisiemagte beleër en met traangas bestook]]
Gedurende die [[Tweede Wêreldoorlog]] het Derry vanweë sy strategiese ligging 'n belangrike rol as die Geallieerde magte se mees westelike vlootbasis in [[Europa]] gespeel. Op die hoogtepunt van die oorlog was 20 000 soldate van verskillende nasionaliteite hier gestasioneer. Die stad handhaaf steeds sy historiese bande met die [[Amerikaanse Vloot]].