'''Grondwater''' is water wat onder die oppervlak van die [[aarde]] versamel. As [[reën]] die aarde se oppervlak bereik, loop 'n deel daarvan oor die oppervlak weg of val direk in [[meer|mere]], [[rivier]]e en die [[oseaan]]. Die meeste van die reën wat oor land val, trek in die [[grond]] in.
Die aarde bestaan uit verskillende soorte [[rots]]. Party van dié roste is poreus, wat beteken dat water daardeur kan loop of sypel. [[Sandsteen]] en [[kalksteen]] is voorbeelde van poreuse rotse. Ander rotse is sypeldig of ondeurlatend, wat beteken dat water nie deur hulle kan dring of sypel nie. [[Skalie]] is 'n voorbeeld van ondeurlatende rots. As reënwater in rotse intrek, sypel dit deur die poreuse rots tot dit 'n ondeurlatende laag bereik. Dit vul dan die poreuse rots. Die boonste laag deurweekte rots word die [[watertafel]] genoem. Die vlak van die watertafel wissel na gelang van die [[seisoen]]. In die reënseisoen is dit nader aan die oppervlak as in die droë seisoen. Soms is dit op die oppervlak en kry ons staande water. Lae poreuse rots wat grondwater bevat, staan bekend as waterklip of waterdraers. As mens 'n [[boorgat]] in waterklip maak, sal mens water na die oppervlak kan bring met 'n [[windpomp]] of dieselpomp. Grondwater bevat dikwels soute wat dit ongeskik vir menslike gebruik maak. Dit is dan egter wel drinkbaar vir beeste.
