Swart Steen: Verskil tussen weergawes

Die '''Swart Steen''' ([[Arabies]]: الحجر الأسود ''al-Ḥajar al-Aswad'') is die oostelike hoeksteen van die [[Kaäba]], die antieke steengebou in die middel van [[Al-Masdjid al-Haram]] in [[Mekka]], [[Saoedi-Arabië]]. [[Moslem]]s beskou dit as ’n [[Islam]]itiese reliek wat volgens tradisie dateer van die tyd van [[Adam in Islam|Adam en Eva]].<ref>{{cite book|title=Ar-Raheeq Al-Makhtum (The Sealed Nectar): Biography of the Prophet|author=Sheikh Safi-ur-Rehman al-Mubarkpuri|isbn=1-59144-071-8|year=2002|publisher=Dar-us-Salam Publications}}</ref>

Die steen is in voor-Islamitiese tye reeds vereer. Volgens een tradisie het dit uit die hemel geval om vir Adam en Eva te wys waar om ’n altaar te bou, en dit het die eerste altaar op [[aarde]] geword.<ref>''Muhammad'', Martin Lings, Hoofstuk 1. "The House of God"</ref> Adam se altaar en die steen het verlore geraak in [[Noag in Islam|Noag]] se [[Sondvloed]] en mense het daarvan vergeet. [[Abraham in Islam|Abraham]] het dit later gevind by die oorspronklike plek van Adam se altaar nadat die engel [[Gabriël]] dit aan hom geopenbaar het.<ref name="glasse">Cyril Glasse, ''New Encyclopedia of Islam'', p. 245. Rowman Altamira, 2001. ISBN 0-7591-0190-6</ref> Abraham en sy seun [[Ismael in Islam|Ismael]], wat volgens Moslems ’n voorvader van die profeet [[Mohammed]] was, het die Kaäba gebou en die steen daarin gelê. Teen die tyd dat Mohammed gelewe het, was die Swart Steen reeds verbind met die Kaäba, ’n voor-Islamitiese altaar.