Auguste Escoffier: Verskil tussen weergawes

'''Auguste Escoffier''' ([[28 Oktober]] [[1846]] – [[12 Februarie]] [[1935]]) was een van die beroemdste sjefs ter wêreld. Aan die einde van die negentiende eeu was hy die belangrikste vertolker van haute cuisine, die sogenaamde hoë kookkuns in [[Frankryk]]. Hy het belangrike veranderings in die bestuur van kombuise ingestel. Hy het ook sy kennis en ondervinding met jong sjefs en die algemene publiek gedeel. Afrikaanssprekendes sou haute cuisine as “ot koe-ie-zien” uitspreek.<ref>Vir fonetiese uitspraak sien Oxford Hachette French-English Dictionary – ot kɥizin</ref> Die kookkuns behels noukeurige en soms langdurige voorbereiding, asook aantreklike opdiening. 'n Hoë prys is in luukse hotels en fynproewer restaurante daarvoor betaal.<ref>Sien [[:en:Haute cuisine]] op die Engelse Wikipedia</ref> Die gewone kookstyl in Frankryk word cuisine française genoem.<ref>Sien [[:en:French]] op die Engelse Wikipedia</ref>