Gereformeerde kerk Strand: Verskil tussen weergawes

Einde 2015 was hier 271 belydende en 54 dooplidmate, die sesde grootste gemeente in die Klassis. In 2001 was die syfers onderskeidelik 397 en 114, maar in 2006 het twee nuwe gemeentes van Strand afgestig. Saam het Strand en die drie afgestigte gemeentes in 2015 552 belydende lidmate gehad.

 

 

In 1978 het die plaaslike wyke as die Gereformeerde kerk Strand afgestig en het hulle eredienste gehou in die kerkgebou van die Sewendedagadventiste. Op [[17 Februarie]] [[1980]] het die gemeente besluit om haar eie kerk op te rig wat op [[29 November]] daardie jaar in gebruik geneem is. Francois Fehrsen was die argitek. Die eerste twee lidmate in die omgewing het heel gepas die hoeksteen gelê. Hertzog Boersema het die deur simbolies oopgesluit. Danksy al die werk wat lidmate self kon doen, is die kerkgebou se koste tot R60 000 beperk, destyds min of meer twee keer die koste van ’n deursneewoonhuis. Taetse Hamersma, ’n broerskind van Hein Hamersma, het die hoeksteen van die kerksaal onthul.