Marie du Toit: Verskil tussen weergawes

Marie se vader is op 20 Desember 1869 met haar moeder, Johanna Wilhelmina van Biljon ([[24 Mei]] [[1854]] – [[12 Junie]] [[1901]]) getroud. Hy was 51 en sy bruid 14. Dit was twee maande en 17 dae ná die afsterwe van sy vierde vrou, Susanna Lasea Kruger. Hul eerste kind, Brechtje, is op 26 Maart 1871 gebore, maar blykbaar kort daarna oorlede. Helenius het net twee jaar en twee weke oud geword. Die derde kind en enigste seun uit dié huwelik wat volwassenheid bereik het, [[Willem Postma|Willem]], was ook ’n Gereformeerde predikant soos sy vader en halfbroers [[Petrus Postma|Petrus]], [[Martinus Postma|Martinus]], [[Dirk Postma jr.|Dirk]] en [[Stephanus Postma|Stephanus]]. Ná Willem volg Laurika in 1875, prof. [[Jacobus du Plessis|J.A. du Plessis]] se eerste vrou, en daarna [[Aletta du Plessis|Aletta]] in 1876, prof. Du Plessis se tweede vrou. Laasten kom Marie aan die beurt, vier jaar en sewe maande ná Aletta. Marie se broerskind [[Laurika Postma|Laurika]] (’n dogter van ds. Willem Postma) het roem verwerf as beeldhouer, terwyl haar suster Aletta die lewe geskenk het aan [[Wicus du Plessis|Wicus]], later ’n professor aan PUK. Nadat Marie se moeder op 36-jarige ouderdom weduwee geword het, moes sy in die onderhoud van haar vyf kinders voorsien deur studente van die [[Teologiese Skool Burgersdorp]] as loseerders in te neem. Tydens die [[Tweede Vryheidsoorlog]] was sy in [[Pretoria]] dikwels by pres. [[Paul Kruger]] aan huis. Sy is in 1901 in Kaapstad oorlede ná ’n smartlike lyding. ▼