Teenpous Johannes XVI: Verskil tussen weergawes

==Biografie==▼

'''Johannes'''<ref> John (XVI). (2008). [[Encyclopædia Britannica]]. Deluxe Edition. Chicago: Encyclopædia Britannica.</ref> is gebore in Rossano, die [[Bisantium|Bisantynse]] deel van suidelike [[Italië]]. Hy was die kapelaan van keiserin Theophanu, die vrou van keiser Otto II. Hy is twee keer benoem as die keiserlike kanselier van Otto II in [[Italië]] van [[980]] tot [[982]]. Van [[991]] tot [[992]] is hy ab van Nonantola. Gedurende sy reise in Italië word hy in [[987]] aangestel as die leermeester van die keiser se sewe jaar oue seun, die latere keiser Otto III. Deur toedoen van die keiserin word hy biskop van Placenza en word hy na [[Konstantinopel]] gestuur om ‘n Bisantynse prinses huis toe te bring as vrou vir Otto III.▼

Na die dood van Otto II in [[996]] kom Otto III na [[Rome]] om [[Pous Johannes XV]] by te staan teen ‘n opstand van Crescentius die jongere ‘n ryk en magtige Romeinse edelman. Otto onderbreek egter sy reis in Pavia om daar as koning van [[Lombarde|Lombardye]] ingehuldig te word. Hy kom pas in Rome aan na die dood van pous Johannes. In Rome reël Otto die verkiesing van sy neef [[Bruno van Karintië]] as [[Pous Gregorius V]]. Pous Gregorius kroon toe Otto as keiser op [[21 Mei]] [[996]]. ▼

Toe Otto III terugkeer na [[Duitsland]] word pous Gregorius met geweld deur Crescentius II verwyder en word Johannes XVI as pous aangestel met die hulp van die Bisantynse keiser Basilius II. Tydens ‘n sinode van Westerse biskoppe in Pavia in 997 word besluit dat Gregorius die wettige pous is en Johannes word geëkskommunikeer.▼

In Februarie [[998]] word die Crescentius-opstand finaal onderdruk toe Otto weer na Rome trek. Johannes het gevlug, maar is deur die keiserlike troepe agterhaal. Sy neus, tong en ore is afgesny, sy hande gebreek en sy oë uitgesteek. Hy is publiek bespot in die teenwoordigheid van Otto en Gregorius. Uiteindelik is hy opgesluit in ‘n klooster in Fulda, Duitsland waar hy in ongeveer [[1001]] sterf.▼

==Verwysings==▼

[[Kategorie:Teenpouse|Johannes XVI]]▼