Bulls (Verenigde Rugbykampioenskap): Verskil tussen weergawes

Voor die professionele Superrugbyliga het Noord-Transvaal (Blou Bulle) aan die [[Super 10 (Suidelike halfrond kompetisie)|Super 10]] deelgeneem tussen 1993 en 1995 waarin spanne van Suid-Afrika, Australië en Nieu-Seeland en die nasionale spanne van [[Samoaanse nasionale rugbyspan|Wes-Samoa]] en [[Tongaanse nasionale rugbyspan|Tonga]] gespeel het. Die beste drie spanne van die vorige seisoen se Curriebeker het gekwalifiseer vir die Super 10. Noord-Transvaal het in die [[Super 10 (Suidelike halfrond kompetisie)#1993 Super 10|1993 seisoen]] in poel B teen Transvaal, Nieu-Suid-Wallis, North Harbour en Waikato gespeel. Noord-Transvaal het derde geëindig in die rondomtalietoernooi. Hulle het nie aan die volgende twee seisoene deelgeneem nie.

 

 

Na die professionalisering van rugby is die Super 10-toernooi hergestruktureer. Die Super 12 is op die been gebring en spanne van Australië, Nieu-Seeland en Suid-Afrika het daaraan deelneem. Australië en Nieu-Seeland het van die begin af konsessiemodelle vir hul spanne gevorm maar Suid-Afrika het besluit om die beste vier spanne van die vorige seisoen se Curriebeker vir die Super 12 te oorweeg.