[[Lêer:NG kerk Barkly-Oos 2012 2.jpg|duimnael|regs|270px|Ds. F.W.R. Gie het die hoeksteen van die klipkerk van die [[NG gemeente Barkly-Oos]], ontwerp deur Kallenbach, op [[15 Desember]] [[1906]] gelê. Die argitek [[William Henry Ford]], wat ook opsigter was van die bouwerk aan die kerke op Laingsburg en Thaba Nchu, het ook hier opsig gehou.]]
'''Hermann Kallenbach''' (Žemaičių Naumiestis, Russiese Ryk ([nou deel van [[Litaue]]], [[1 Maart]] [[1871]] – [[22 Maart]] [[1945]]) was 'n [[Suid-Afrika]]anse argitek en sakeman van Duits-Joodse afkoms wat vir die ontwerp van sommige van die mooiste NG kerke in [[Suid-Afrika]] verantwoordelik was. Hy het in vennootskap met A. Reynolds tussen omstreeks 1904 en 1908 NG kerke in die destydse [[Transvaal]], [[Vrystaat]] en [[Kaapland]] ontwerp, onder meer vir die [[NG gemeente Jeppestown]], wat as een van die aantreklikste kerke van enige genootskap in [[Johannesburg]] beskou word,<ref>[http://www.joburg.org.za/index.php?option=com_content&task=view&id=256&Itemid=51 Joburg.org.za]</ref> op [[Laingsburg]], [[Barkly-Oos]] en [[Riversdal]]. Ander geboue wat hy ontwerp het, sluit die Joodse sinagoge in [[Benoni]]<ref>[http://www.artefacts.co.za/main/Buildings/bldgframes.php?bldgid=1613 Artefacts.co.za]</ref> en [[Krugersdorp]], die Lewis & Marks-gebou (1937) in [[Johannesburg]] se middestad en die Langlaagte-weeshuis in.
