In 1902,nadathet hyGrobler teenwoordigteruggekeer wasin tydenssy die heengaan van pres. Kruger, het Grobler teruggekeervaderland en hom op sy plaas Commissiedrift in die Rustenburgse distrik gevestig, waar hy 'n tyd lank geboer het. Met die stigting van die [[Het Volk]]-party in 1904 is hy versoek om sy wyk vir die party te organiseer. Hy het talle partykongresse bygewoon en gedien as lid van die hoofbestuur. Ná die verkiesingsoorwinning van Het Volk het genl. [[Louis Botha]] hom aangestel as voorsitter van die Transvaalse Landraad en direkteur van die [[Landbank]]. In 1910, tydens die eerste algemene verkiesing ná [[Uniewording]], is hy onbestrede tot Volksraadslid vir Rustenburg verkies. As oortuigde republikein het hy nooit 'n ondersteuner van genl. Botha se konsiliasie-politiek geword nie en toe dit blyk dat 'n skeuring tussen Botha en genl. [[J.B.M. Hertzog]] onvermydelik was, het hy hom by laasgenoemde geskaar. Hy was teenwoordig op die historiese vergadering op [[7 Desember]] [[1912]] op [[De Wildt]] en was een van die twee [[Transvaal]]se afgevaardigdes na die [[Bloemfontein]]se kongres van [[7 Julie|7]] tot [[9 Julie]] [[1914]] waartydens die [[Nasionale Party]] gestig is. Op die stigtingskongres van die Nasionale Party van Transvaal in [[Pretoria]] op [[26 Augustus]] [[1914]] is hy aangewys as voorsitter van die kommissie wat die grondbeginsels van die party soos dit op die Bloemfonteinse kongres aangeneem is, moes nagaan en aanbevelings moes doen. Ná van die kongres is hy tot voorsitter van die sentrale bestuur gekies.
