Piran: Verskil tussen weergawes

Content deleted Content added
herstel wysigingskonflik
terugvoeg van gebruiker:Petterual se bydrae
Lyn 11:
Die vroegste betroubare beskrywings van die gebied is in Cosmographia, 'n 7de eeuse werk deur 'n onbekende geestelike van [[Ravenna]], gevind. Die naam van die dorpie is waarskynlik ontleen aan die Griekse "pyrranos", wat "rooi" beteken, na aanleiding van die rooi[[ flysch]] gesteentes wat algemeen in die omgewing voorkom.<ref>Snoj, Marko; Kocjan-Barle, Marta (November 2009).</ref>
 
Vanaf 1283 tot 1797 het die dorp deel gevorm van die Republiek van Venesië wat beteken het dat dit op ʼn semi-outonome wyse deur ʼn raad van adellikes, bygestaan deur ʼn Venesiese afgevaardigde, geregeer is. Verskeie vyandige (bv. deur die Republiek van Genoa) en seeroweraanslae is gedurende die Laat Middeleeue afgeweer; ’n groot pes het die dorp in 1558 geteister en ongeveer twee-derdes van die bevolking uitgewis. Die laaste dekades van Venesiese bewind is gekenmerk deur morele verval as gevolg van die mededinging met die nabygeleë Oostenrykse hawedorp, Triëst.
 
Die dorp is in 1797 deur die Oostenrykse Ryk geannekseer, maar in die jare 1806 tot 1814 aan die Napoleontiese Ryk gesedeer. Op 22 Februarie 1812 het die Slag van Pirano tussen ʼn Britse en ʼn Franse skip in die omgewing van Piran plaasgevind. Die slag is deur die Britse HMS Victorious gewen terwyl die Franse Rivoli meer as die helfte van sy bemanning verloor het. Hierdie slag was die enigste wat ooit in die kuswaters van hedendaagse Slowenië plaasgevind het.
Na die Eerste Wêreldoorlog, is die dorp saam met Triëst en die hele Istrië aan Italië afgestaan. Die jare voor die Tweede Wêreldoorlog was sonder voorval totdat Italië in 1940 tot die oorlog toegetree het. Met die oorwinning oor die Spilmoondhede en die opkoms van Tito se bewind, is Piran toegeken aan die Vrye Landgebied van Triëst, Sone B, onder Joegoeslawiese administrasie. Die dorp is in 1954 deur Joegoeslawië geannekseer, ooreenkomstig die Londense Memorandum wat gesamentlik deur Joegoeslawië en Italië onderteken is. ʼn Betekenisvolle deel van Piran se bevolking het verkies om na Italië of elders te emigreer eerder as om in die sosialistiese Joegoeslawië aan te bly. Die anneksasie deur Joegoeslawië is met die Osimo Verdrag in 1975 finaal bekragtig en deur Italië onderteken. Sedert 1991 vorm Piran deel van die onafhanklike Slowenië.
Teen die einde van die 19de eeu en die begin van die 20ste eeu was Piran 'n [[Oostenryk-Hongarye|Oostenryks-Hongaarse]] stad met meer as 12,000 inwoners, groter as die nabygeleë Koper. Dit was 'n dorp met 'n florerende mark, spa en goeie vervoerverbindings. Die eerste [[trolliebus]]lyn in die [[Balkan]] vir openbare gebruik is op 24 Oktober 1909 in Piran ingestel. In 1912 is dit vervang met 'n [[trem]] wat tot in 1953 op dieselfde roete bedryf is.