J.J.G. Grobbelaar: Verskil tussen weergawes

Johannes Jacobus Gabriël Grobbelaar is op 8 Mei 1907 naby [[Clocolan]] in die [[Vrystaat]] gebore, waar hy groot word en skoolgaan. In [[Bloemfontein]] word hy as onderwyser opgelei en hy gee dan vir twee jaar onderwys in [[Suidwes-Afrika]]. Daarna is hy ’n paar jaar onderwyser op Clocolan en gaan dan na [[Stellenbosch]] vir verdere studie. Hier behaal hy in 1939 die D.Phil.-graad in Geskiedenis met ’n proefskrif oor “''Die Vrystaatse Republiek en die Basoetoe-vraagstuk''”, wat later gepubliseer word. In 1941 word hy hoof van die skool op [[Durbanville]] in die Kaap en twee jaar later word hy aangestel as inspekteur van skole. In 1944 volg hy vir dr. S.H. Skaife (die bekende skrywer Hendrik Brand) op as hoof van die Skoolradio- en Rolprentafdeling van die Kaapse Onderwysdepartement. In 1957 onderneem hy ’n vyf maande studietoer na die buiteland, waar hy radio- en rolprentonderwys se gebruik ondersoek. Later word hy weer aangestel as inspekteur van onderwys in die [[Paarl]] distrik in die Wes-Kaap. In 1971 tree hy af.▼