W.O. Kühne: Verskil tussen weergawes

Wilhelm Otto Kühne was op 7 Junie 1924 in die distrik [[Graaff-Reinet]] gebore, waar hy op sy vader se plaas grootword en sy skooljare op die dorp deurbring. Sy pa was Wilhelm Otto Gustav Adolf Kühne, die seun van ’n Duitse handelaar en oorspronklik van Zeekoegat in die distrik [[Ladismith]]. As kind doen hy polio op, maar dissiplineer homself so dat hy later sportonderwyser word. Vanaf 1934 woon die gesin op ’n plaas in die Graaff-Reinet distrik. Hy matrikuleer in 1941 aan die Hoër Volkskool op Graaff-Reinet. Van 1942 tot 1943 studeer hy aan die Graaff-Reinet Opleidingskollege en verwerf die Primêre Onderwyssertifikaat, waarna hy in 1944 aan die Paarl Opleidingskollege die kursus in liggaamlike opvoeding voltooi en die Hoër Primêre Onderwyssertifikaat behaal. Van 1945 gee hy vir vier jaar skool by [[Cape Town]] High School en daarna aan die Laerskool Vredehoek in Kaapstad. In Maart 1949 tree hy toe tot die joernalistiek by ''[[Die Burger]]'', en vanaf 1954 dien hy agtereenvolgens op die redaksies van ''[[Huisgenoot|Die Huisgenoot]]'', ''[[Sarie Marais]]'' en in 1960, ná afloop van ’n uitgebreide oorsese reis, vir ’n jaar as redakteur van ''[[Die Jongspan]]''. Hierna keer hy terug na ''Die Burger'', waar hy onder andere die drama van die [[Sishen]]-[[Saldanha]] ertsprojek meemaak en vir meer as tien jaar voltyds die rubriek “''Van alle kante''” behartig.<ref>J.A. Kruger se “Kinderkeur” Hoofstuk 2: <nowiki>http://uir.unisa.ac.za/bitstream/handle/10500/19524/Kruger__JA__0869816578__Section2.pdf?sequence=2&isAllowed=y</nowiki></ref>. Hy is onder meer ''Die Burger'' se eerste seiljagverslaggewer en in hierdie kapasiteit maak hy die eerste twee [[Kaap]]-na[[Rio de Janeiro|-Rio]] wedvaarte mee. Hy is ook omgewingsverslaggewer en bylaeredakteur en neem dikwels waar as nuusredakteur. Teen die einde van 1979 tree hy af, maar aangesien die [[Laingsburgvloed|Laingsburg]]-vloedramp plaasvind op die naweek van sy aftrede, kry hy opdrag om die beriggewing daaroor te koördineer en ’n boek daaroor te skry<ref>J.A. Kruger se “Kinderkeur” Hoofstuk 2: <nowiki>http://uir.unisa.ac.za/bitstream/handle/10500/19524/Kruger__JA__0869816578__Section2.pdf?sequence=2&isAllowed=y</nowiki></ref> In 1980 onderneem hy as waarnemer ’n reis na [[Antarktika]] op die SA Agulhas. Hy is in 1951 met Dorothy Margaret Hill getroud, voorheen redaksie-kunstenares van die Nasionale Pers, wat meeste van sy boeke illustreer. Hulle het twee seuns, Conrad en Klaus. Die “''Huppel''”-karakter is gebaseer op hulle seun Klaus, wat deur Dorothy geteken is toe hy so vier, vyf jaar oud was. Die gesin woon in [[Tamboerskloof]] in Kaapstad. Hy is op 21 September 1988 in sy huis in Tamboerskloof oorlede na ’n ernstige siekte van langer as ’n jaar.

* Kruger, J.A. Kinderkeur Hoofstuk 2: <nowiki>http://uir.unisa.ac.za/bitstream/handle/10500/19524/Kruger__JA__0869816578__Section2.pdf?sequence=2&isAllowed=y</nowiki>

* Springbokboeke: <nowiki>http://www.springbokboeke.co.za/html/w_o__kuhne_biografie.html</nowiki>

* Storiewerf: <nowiki>http://www.storiewerf.co.za/cv's/cv_wokuhne_ph.htm</nowiki>