Gereformeerde kerk Noordbrug: Verskil tussen weergawes

Die Gereformeerde kerk Noordburg het op [[27 Oktober]] [[1957]] van Potchefstroom-Noord afgestig as die derde oorwegend Afrikaanse gemeente op [[Potchefstroom]]. Die kerkraad het die argitek Beyers Hartman aangestel om die kerk te ontwerp en met hom is ooreengekom oor die plasing, grootte, vorm en veral aansig van die kerk sodat die doelstellings van eenvoud, doelmatigheid, ruimheid, voldoende lig, goeie akoestiek en ’n billike prys nagestreef kon word. Ook het die kerkraad uit die staanspoor besluit om geen klok en geen horlosie in die toring te plaas nie, waarskynlik ook om geld te bespaar.

 

 

Die kerk is in die tipiese kappie- of tentstyl van destyds ontwerp. Die kansel is so geplaas dat dit duidelik van oral in die kerk sigbaar is en daarbo is ’n klankbord wat die klank na die kerkgangers weerkaats. Die banke is van ligte eikehout vervaardig en gevorm na die menslike liggaam. Die orrel is oorkant die preekstoel op die galery geplaas. Dis ’n egte meganiese orrel sonder elektroniese versterkings. Die vensters is, soos die geval dikwels in kappiekerke was, ruim en van gekleurde glas terwyl die buitemure van siersteen gebou is en die dak van leiklip. Die kerksaal met die katkisasielokale, kombuisgeriewe en verhoog se boumateriaal pas aan by die kerkgebou s’n.