Verskil tussen weergawes van "William Rowland"

(Die lewe en werk van William Rowland)
 
 
== Lewe en werk ==
William Peter Rowland is op 7 Maart 1940 in [[Seepunt]] in [[Kaapstad]] uit ʼn Engelssprekende huis gebore. Hy word op vierjarige ouderdom verblind in ʼn skietongeluk. Sy ouers stuur hom dan na die Skool vir Blindes op [[Worcester]] vanaf 1948 tot met sy matrikulasie in 1958, waar hy deur medium Afrikaans sy skoolonderrig ontvang. Sy Nasionale Senior Sertifikaat behaal hy met onderskeiding, insluitende die hoogste punte landwyd in Afrikaans en Engels. Daarna is hy in 1959 na [[Londen]] waar hy as fisioterapeut opgelei word by die Royal National Institute for the Blind en in 1962 kwalifiseer. In [[Engeland]] het hy ook ʼn drieman pop-orkes. Na kwalifikasie werk hy ʼn paar maande in Engeland om geld te spaar om deur [[Europa]] te reis. Met sy terugkeer uit Europa werk hy eers as fisioterapeut by die Lady Michaelis Ortopediese Hospitaal en daarna in private praktyk, waarna hy in 1966 ʼn betrekking aanvaar as skakelbeampte van die Suid-Afrikaanse Nasionale Raad vir Blindes. Hy studeer verder aan die Universiteit van Suid-Afrika en behaal die B.A.-graad en in 1968 die B.A. Honneurs-graad met onderskeiding, insluitende die [[Tafelberg]]-prys vir die beste student in Afrikaans. Die M.A.-graad in Wysbegeertewysbegeerte behaal hy in 1977 met onderskeiding aan die [[Universiteit van Suid-Afrika|Universiteit van Suid-Afrika,]], met ʼn verhandeling oor die waarneming en ruimtebegrip van die blinde getitel “''Space and blindness – a philosophical study''”. Aan die Universiteit van Kaapstad behaal hy in 1984 sy Ph.D.-graad met ʼn proefskrif getitel “''Being-blind-in-the-world – a phenomenological analysis of blindness and a formulation of new objectives in rehabilitation''”. Hierdie proefskrif word deur die Suid-Afrikaanse Nasionale Raad vir Blindes gepubliseer en versprei in meer as 25 lande.
 
In Mei 1975 word hy bevorder tot Assistent-Direkteur, in Januarie 1976 tot Direkteur en in 1996 tot Hoof Uitvoerende Beampte van die Suid-Afrikaanse Nasionale Raad vir Blindes. Hy verteenwoordig Suid-Afrika by verskeie internasionale konferensies oor blindes, onder andere in [[Madrid]] in 1972, [[Oxford]] in 1978, [[Washington]] in 1982, Trieste in Oostenryk in 1983 en Riyadh in Saudi-Arabië in 1984, en hy lewer ook referate by laasgenoemde twee konferensies. Hy neem ook deel aan die Wêreldunie vir Blindes se Komitee vir Rehabilitasie en Indiensneming wat in 1986 in Sofia in [[Bulgarye]] gehou is. Sy vele belangstellings en bedrywighede sluit in dat hy komponis is, raadgewer vir die Suid-Afrikaanse Nasionale Kunsmuseum in [[Kaapstad]], lid van verskeie beplanningskomitees en organisasies en redakteur van Blinde Welsyn se tydskrif ''Imfama''. Hy het ʼn besondere belangstelling in die rehabilitasie van gestremdes en dien as voorsitter van die South African Federal Council for Rehabilitation of Disabled People en hierdie organisasie se Committee on Rural Rehabilitation. Die radioprogram ''In Touch'' word deur sy inisiatief geloods en hy is die toerleier vir twee ''In Touch''-toere na [[Israel]] en [[Griekeland|Griekeland.]] Hy inisieer en is die eerste voorsitter van die Suider-Afrikaanse Konferensie vir agentskappe wat met gestremdes werk in Johannesburg in 1983 en is ook adviseur vir Suid-Afrika se Jaar vir Gestremdes in 1986. Verder is hy voorsitter van die Ontwikkelingsfonds vir Gestremdes en is die stigter-voorsitter van Disabled People South Africa. Hy onderneem verskeie studietoere, waaronder ʼn besoek aan 77 welsynsorganisasies in veertien lande in 1972, opgevolg deur verdere studietoere in 1978 en 1982. Hy neem ook deel aan die televisieprogram ''Flinkdink'' in 1981. In 2005 tree hy af, maar aanvaar dan die tydelike posisie as president van die Wêreldunie vir Blindes. Hierna stig hy ʼn maatskappy wat vir blindes verbale beskrywings doen van film en televisie. Sedert 2014 is hy president van die Christoffel Blindenmission [[Comrades-maraton|(CBM)]] in Suid-Afrika.
84 837

wysigings