A.H.M. Scholtz: Verskil tussen weergawes

Andrew Henry Martin Scholtz was op 28 Julie 1923 in [[Kimberley]] gebore as die oudste van tien kinders. Sy ma was ʼn huismoeder en sy pa ʼn tuig- en saalmaker. Hy behaal standerd vyf aan die Beaconsfield Coloured School op Kimberley waarna hy die skool verlaat en op veertienjarige ouderdom begin hy by sy oom Tommie as skrynwerker-leerling werk. Hierdie besluit is noodgedwonge, omdat sy pa bedlêend is nadat hy deur ʼn perd geskop is en sy heup breek en die jong Andrew moet geld verdien vir die familie. Op sestienjarige leeftyd is hy reeds die alleen-broodwinner vir sy hele familie. Op sewentien (terwyl hy voorgee dat hy 21 is) word hy in Oktober 1940 ʼn soldaat in die [[Tweede Wêreldoorlog]] sodat hy in sy familie se behoeftes kan voorsien. Die [[Kaapse luiperd|KaapseKorps]] Korps wil hom nie aanvaar nie omdat hy nog nie ʼn rybewys het nie en hy sluit dus in die blanke Weermag by die artillerie aan, waar hy as blanke aanvaar word. Na sy basiese opleiding in die Weermag-kamp op [[Potchefstroom]] veg hy onder andere in [[Kenia|Kenia,]] [[Ethiopië]] en [[Egipte]] voor hy in Januarie 1942 deur die [[Duitsers]] gevang word en vir twintig maande naby [[Trieste]] in [[Noord-Italië]] gevange gehou word. Hy slaag daarin om te ontsnap en vind sy weg na vryheid deur middel van [[Kanadese]] troepe wat hy in die suide van [[Italië]] by Bari vind. Sy vader is tydens sy afwesigheid oorlede, nuus wat hy eers drie maande na sy vader se dood ontvang.