Sarel Jacob Pretorius: Verskil tussen weergawes

Sy vader was die onderwyser Petrus Jacobus Pretorius ([[Petrusburg]], 8 Maart 1892 – [[Johannesburg]], 7 Junie 1983) van [[Philippolis]] en sy moeder Johanna Maria Kruger (1893–1982), dogter van Gert H.J. Kruger van [[Venterstad]]. Hulle is in 1912 in die [[Gereformeerde kerk Venterstad]] getroud.

 

 

Sarel gaan skool op sy tuisdorp, waar hy in die koshuis inwoon waar sy pa die koshuisvader is, en matrikuleer dan aan die [[Potchefstroom Gimnasium]]. Hy behaal in hierdie tyd as bariton sukses op verskeie kunswedstryde, ook in [[Johannesburg]], terwyl een van sy gedigte ook ʼn medalje verower in ʼn kunswedstryd. Daarna studeer hy vanaf [[1934]] tot [[1938]] aan die [[Noordwes-Universiteit|PUK]] (Potchefstroomse Universiteitskollege), waar die klasse wat [[Gerrit Dekker]] aanbied sy liefde vir die letterkunde vestig. Hy behaal hier die B.A.-graad in [[1937]] en daarna die Universiteits Onderwysdiploma in 1938. Op universiteit blink hy uit in atletiek en word ook bekroon met die eerste prys vir ʼn skets wat in ''Die Besembos'' verskyn. In [[1939]] begin sy onderwysloopbaan aan die Junior Hoërskool Malvern, waar hy die armoedige, verstedelikte Afrikaners waarneem. Dan aanvaar hy ʼn betrekking as onderwyser in Linden, eers aan die [[Laerskool Louw Geldenhuys]] en later aan die [[Hoërskool Linden]]. In Julie [[1943]] trou hy met die posmeesteres Anna Swanepoel van Linden en die egpaar het drie kinders, twee seuns (Aliet en Petrus) en ʼn dogter (Rachel).