Pieter de Waal: Verskil tussen weergawes

Ds. '''Pieter de Waal''' ([[Kaapstad]], [[19 Oktober]] [[1875]] – [[Strand]], [[19 November]] [[1949]]) was [[predikant]] in die [[Nederduitse Gereformeerde Kerk|NG Kerk]], reisende en organiserende sekretaris van die Christelike Strewersvereniging en redakteur van hul lyfblad, die ''Christelike Strewer''.

Pieter de Waal is op 19 Oktober 1875 op die plaas Bakkerskloof naby [[Somerset-Wes]] gebore as die tweede seun van Dawid Christiaan de Waal en Hester Sophia Hofmeyr, suster van Onse Jan Hofmeyr. Sy ouers se eerste seun, ook Pieter, is as baba oorlede en hy word dan ook Pieter genoem om die familienaam te laat voortleef. Die bekende skrywer [[J.H.H. de Waal]]<ref name=":0">Esat: <nowiki>http://esat.sun.ac.za/index.php/P._de_Waal</nowiki></ref> is sy broer en hy het ook drie susters. Hulle bly aanvanklik op Bakkerskloof, maar wanneer hy ses maande oud is, trek die gesin na [[Kaapstad]] waar sy pa die plaas Bellevue koop. Hierdie plaas is geleë waar Kloofstraat tot by [[Groentemarkplein]] tans is. Sy eerste onderwys ontvang hy van mejuffrou Bettie Roos (later mevrou Maskew). Daarna gaan hy na die Normaalskool in Roelandstraat. 

Op vyftien jaar verlaat hy die skool, met die doel om in [[Rhodesië]] te gaan boer. Weens die [[Matabele-Oorlog|Matabele-oorlog]] van daardie tyd loop hy eers aandklasse in Kaapstad om die staatseksamen te skryf, wat hy suksesvol voltooi. In stede van boer, word hy dus in [[1892]] staatsamptenaar. Die klerklike werk verveel hom egter en hy begin weer in [[1896]] privaat studeer en behaal sy matriek in [[1897]], waarna hy as student inskryf by die [[Suid-Afrikaanse Kollege]]. Hier verower hy onder andere die Rabinowitz-prys vir [[Hebreeus]] en slaag na twee jare studie sy eerste graad met lof. By die [[Teologiese Kweekskool (Stellenbosch)|Teologiese Kweekskool]] op [[Stellenbosch]] slaag hy hierna ook met lof en word in [[1904]] gelegitimeer. Hy is ʼn’n kranige sportman en speel onder andere rugby vir die eerste spanne van Hamiltons en Stellenbosch, terwyl hy ook deelneem aan krieket en tennis, ʼn’n kranige atleet is en ook op die skietveld etlike pryse in kompetisies verower. Op [[Nuweland]] wen hy een keer die mylwedloop teen 32 ander atlete.

Hy trou op [[21 Februarie]] [[1905]] met Johanna Bernhardina (Joey) van Wyk, oorspronklik van Kimberley, en saam onderneem hulle hierna ʼn’n uitgebreide reis na [[Europa]]. Daar word geen kinders uit die huwelik gebore nie.

Ná sy toelating tot die bediening op [[9 Desember]] [[1904]] word hy predikant van [[NG gemeente Leipoldtville|Leipoldtville]] op [[14 Oktober]] [[1905]] en van [[NG gemeente Riebeek-Kasteel|Riebeek-Kasteel]] op [[13 Mei]] [[1909]]. Tydens sy verblyf op [[Riebeek-Kasteel]] is die huidige kerk daar gebou teen 'n bedrag van £6 000. Hy is op [[29 Augustus]] [[1920]] op [[NG gemeente Reddersburg|Reddersburg]] in die [[Oranje-Vrystaat]] bevestig en ook hier is onder sy leiding 'n nuwe kerk gebou.

In [[1925]] aanvaar hy ʼn’n betrekking as vaste amptenaar van die [[Christelike Strewersunie]], ʼn’n betrekking wat hy tot einde [[1946]] beklee. Aanvanklik is hy Reisende Sekretaris van hierdie organisasie en word later Organiserende Sekretaris. Hy gaan altesaam sewe kere oorsee, twee kere as verteenwoordiger by die Wêreldkonferensie van die Strewers, onderskeidelik in [[Londen]] in [[1926]] en [[Berlyn]] in [[1930]]. Ander lande wat hy besoek sluit in [[Spanje]], [[Pole]], [[Finland]], [[Egipte]], [[Staat Palestina|Palestina]], [[Sirië]], [[Turkye]], [[Hongarye]], [[Duitsland]] en die [[Verenigde State van Amerika]]. In Amerika spreek hy drie Staatskonferensies van Strewers toe. Hy het ʼn’n groot liefde vir sy land en sy taal en is saam met sy broer Jannie (J.H.H.) de Waal ʼn’n stigterslid van die [[Tweede Taalbeweging]] en beywer hom vir die invoer van Afrikaans in die kerk deur die Kaapse Sinode.

Sy skryfwerk begin wanneer hy as redakteur van ''Die Christelike Strewer'' die blad moet vul. Sy eerste publikasie is in [[1918]], wanneer ''Kinderbrood'' verskyn (wat hy saam met ds. C.L. van Heerde skryf), waarin hy poog om Christelike leesstof vir kinders te verskaf oor allerlei praktiese onderwerpe. Vir die Strewersunie stel hy ook verskeie publikasies saam, wat insluit ''Die belangrikste halfuur'' (1924), ''Die Strewershandboek'' (1928), ''Ons getuienisboekie'', ''Met God in my tuin'' (1935), ''Vergesigte'' (1937 – ʼn’n keur uit sy Christelike rubriek in ''Die Christelike Strewer''), en ''Stemme uit die Heilige Land'' (1945). Verskeie traktaatjies en pamflette word ook deur hom geskryf. Ná sy dood word ''Die belangrikste halfuur'' gepubliseer, ʼn’n versamelbundel van preke wat hy gelewer het.

Hy is een van die eerste dramaturge in Afrikaans wat Bybelse temas ontgin, spesifiek met die doel om die evangelie te bevorder. Die opvoerings hiervan is baie gewild en die gepubliseerde godsdienstige dramas is ''Omgeswaai'' (met die doel om die teenstanders van sendingwerk tot inkeer te bring), ''Die bekeerde Jodin'' (met die oogmerk om mense aan te spoor om openbare belydenis van geloof af te lê<ref name=":0" />), ''Delila'', ''Erns eerlik'', ''Mej. Skender'' en ''Die Familie Brein''. 

Publikasies uit sy pen sluit in:<ref>Worldcat: <nowiki>http://www.worldcat.org/identities/lccn-no2001-22629/</nowiki></ref>

* Nasionale Afrikaanse Letterkundige Museum en Navorsingsentrum (NALN) Bloemfontein “Waal, ds. Pieter de -– Biografie”