PG du Plessis: Verskil tussen weergawes

'''Pieter Georg du Plessis''' ([[14 Julie]] [[1934]] -), ook bekend as '''PG du Plessis''' is 'n [[Afrikaans]]e [[skrywer]], [[dramaturg]] en akademikus.<ref>[http://esat.sun.ac.za/index.php/P.G._du_Plessis P.G. du Plessis op ESAT], besoek op 28 Junie 2014</ref> Hy lewer 'n groot verskeidenheid skryfwerk, met 'n beduidende bydrae tot die Afrikaanse drama. Sy rubrieke wat gedurende sy loopbaan as joernalis gepubliseer is, het later uitgeloop op die TV-reeks ''Koóperasiestories''. Sy roman ''Fees van die Ongenooides'' (2008) is wyd vereer as een van die beste Afrikaanse letterkundige werke tot op hede.<ref>Van der Walt, Leana Storiewerf: http://www.storiewerf.co.za/onderhoude/oh_pgduplessis.htm</ref>.

In [[1960]] behaal hy die B.A. Honneurs-graad aan die [[Universiteit van die Witwatersrand]].<ref>Esaach: http://www.esaach.org.za/index.php?title=Du_Plessis,_Pieter_Georg</ref>. Hy word dan in [[1961]] vir ’n jaar lank dosent by die Johannesburg College of Education, waarna hy in [[1962]] deur [[N.P. van Wyk Louw]]<ref>Esat: http://esat.sun.ac.za/index.php/P.G._du_Plessis</ref> aangestel word as dosent in Afrikaans-Nederlands aan die Universiteit van die Witwatersrand en in [[1968]] bevorder word tot senior lektor. Hy promoveer in [[1966]] onder N.P. van Wyk Louw aan die Universiteit van die Witwatersrand met ’n verhandeling getitel ''Die literêre verwysing aan die hand van voorbeelde uit die Afrikaanse poësie'', wat in 1968 as ''Die verwysing in die literatuur'' gepubliseer word. In die sestigerjare dien hy op die redaksie van die letterkundige tydskrif ''Kol''.<ref>Cloete, T.T. “Standpunte” Nuwe reeks 82, April 1969</ref>

Uit sy huwelik met Marie word ’n seun, Frits, en dogter, Marieta, gebore. Hulle bly eers in [[Johannesburg]] en daarna in [[Meyerspark]] in Pretoria, maar in [[1980]] koop hy by sy skoonpa ’n plasie by Rysmierbult naby [[Ventersdorp]] in die Wes-Transvaal, wat hy Sémoér noem. Hier word hoofsaaklik daglelies gekweek en dit is ook die plek waar hy na aftrede gaan bly.<ref>SA Vryskutskrywer: http://www.savryskutskrywer.co.za/mediamekka_pg_du_plessis.htm</ref>.

''Kortetjies en ’n lange'' bevat die verhale van ''Het olifante elmboë'' en ''Neklis'', maar talle van die verhale is gewysig en nuwes word ook bygevoeg, sodat hierdie bundel meer is as ’n heruitgawe. Die lange van die titel is die kortverhaal ''Ons mond'', ’n treffende verhaal gesien uit die oë van ’n kind in ’n huis waar die letsels van die [[Anglo-Boereoorlog]] en die konsentrasiekamp nog nie geheel is nie. Die titel van die versameling kom van die ou slinger-luie van plaaslynoproepe.<ref>Cilliers, Stoffel “Beeld” 8 Maart 2010</ref><ref>Bookslive: http://nb.bookslive.co.za/blog/2009/09/23/nuwe-kortverhaalbundel-kortetjies-en-n-lange-deur-pg-du-plessis/</ref>.