Sofia: Verskil tussen weergawes

|lengtegraad_OW = O

|koördinaattipe =

|bevolking_soos_op = [[2011]]

|bevolkingnotas =

 

== Geografie ==

Sofia lê in die Sofiavallei in Wes-Bulgarye, naby die Serwies-Bulgaarse grens, teen die noordelike voet van die Vitosjaberg. Vitosja (Bulgaars: Черни връх, "Swart Bergspits") is met 'n hoogte van 2 286 meter bo seevlak 'n gewilde toeristebestemming. Die ronde bergmassief strek oor sowat 40 kilometer en oorheers die stadshorison van Sofia. Die stad is aan drie kante omring deur berge.

 

== Geskiedenis ==

Die huidige Sofia is as 'n Thraciese nedersetting met die naam Serdica (afgelei van die Thraciese stam Serdi) gestig. Omtrent [[500 v.C.]] het die Odrysi hulle in die gebied gevestig, en gedurende die [[4de eeu v.C.]] het die stad vir 'n tyd lank onder die heerskappy van koning [[Filips van Masedonië]] en sy seun [[Alexander die Grote]] gekom.

Die [[Romeinse Ryk|Romeine]], wat die stad in die jaar [[29]] verower het, het sy naam gewysig na Ulpia Serdica. Onder die heerskappy van keiser Marcus Ulpius Traianus ([[98]]-[[117]]) het die stad 'n ''municipium'' geword en as die sentrum van 'n administratiewe gebied, Dacia Interior, gedien. Ook munte is in Serdica geslaan. Uit hierdie tydperk dateer ook die eerste dokument (geskryf deur Ptolemaeus) wat na die antieke Serdica verwys.

 

Serdica was eerder 'n middelgroot stad, nogtans is sy stadsbeplanning, argitektuur, vermaaklikheidsgeriewe en sosiale lewe eersterangs. Die stad het ook onder die heerskappy van die [[Bisantynse Ryk|Bisantynse]] keiser [[Justinianus I]] 'n bloeitydperk beleef. Dit is toe met 'n indrukwekkende vestingsmuur versterk, waarvan oorblyfsels bewaar is. Die stad is in [[447]] deur die [[Hunne]] verwoes, maar deur Justinianus herstel en herdoop na Triaditsa.

 

In [[808]]/[[809]] is die stad onder die naam Stredez (Sredets) by die Eerste Bulgaarse Ryk onder die heerskappy van Khan Kroem ingelyf en as 'n vesting en administratiewe sentrum uitgebou.

 

In die tydperk tussen die [[12de eeu|12de]] en [[14de eeu]] was Sofia 'n belangrike handelsentrum, wat ook vir sy ambagte bekend gestaan het. In [[1376]] is die stad herdoop na Sofia ([[Grieks]]: "wysheid"), afgelei van die Kerk van Sint Sofia. Nogtans is ook die ou naam Sredets nog steeds tot by die [[16de eeu]] gebruik.

 

 

Die [[Ottomaanse Ryk]] het Sofia in [[1382]] onder die heerskappy van [[Murat I]] verower, en Sofia dien daarna meer as vier eeue lank as die hoofstad (''beylerbeylik'') van die provinsie [[Roemelië]].

 

== Ekonomie ==

Sofia is die ekonomiese sentrum van Bulgarye en lewer sowat 16 persent van die land se industriële produksie op. Die nywerheidsektor vervaardig veral metale (sowat drie derdes van Bulgarye se produksie), tekstiele, gom, leerprodukte, masjiene en elektroniese verbruikersware. Ook voedsel en tabak word hier verwerk. Sowat die helfte van Bulgarye se drukkerye is in Sofia gevestig.