Gezina Kruger: Verskil tussen weergawes

[[Lêer:Paul en Gezina Kruger.jpg|duimnael|regs|230px|Pres. Paul en mev. Gezina Kruger.]]

[[Lêer:Gezina Kruger.jpg|duimnael|links|200px|Gezina Kruger.]]

 

'''Gezina Susanna Frederika Wilhelmina''' (gebore Du Plessis, bynaam tant Siena, [[Burgersdorp]], [[Kaapkolonie]], [[5 Mei|5]] of [[6 Mei]] [[1831]] – [[Pretoria]], [[Transvaal]], [[20 Julie]] [[1901]]) was die tweede vrou van pres. [[Paul Kruger]] en die moeder van 15 van sy 17 kinders. Die [[Pretoria]]se voorstad [[Gezina, Pretoria|Gezina]] is na haar genoem. Langer as 55 jaar het sy haar man as troue lewensmaat in voor- en teëspoed bygestaan en met haar afsterwe het sy haar man diep bewoë en verslae in ballingskap agtergelaat.

 

== Herkoms en huwelik ==

Gezina du Plessis was een van die nege kinders van Jan Adriaan du Plessis (1804–1848) en Catharina Magdalena du Plessis (1810–1878, blykbaar haar nooiensvan). Sy het as kind die [[Andries Hendrik Potgieter|Potgieter]]-trek meegemaak. As jong seun het Paul Kruger haar, 'n niggie van sy eerste vrou, geken en na die dood van sy eerste vrou, is hy met Gezina in Januarie 1846 getroud nadat sy eerste vrou, Anna Maria Etresia Kruger (née Du Plessis), in 1846 oorlede is. Eindelik was Gezina en Paul Kruger 54 of 55 jaar lank getroud. Prof. [[Jan Lion Cachet]] het oor haar gesê: "Tant Siena, soos sy genoem is, was 'n tipe van die ou Afrikaanse vrou – sag, eenvoudig, gasvry, vriendelik en tog so sterk in die geloof." Sy het jare lank met swak gesondheid gesukkel en etlike kere by die dood omgedraai. Toe Kruger in 1877 na Europa moes vertrek om teen die anneksasie van Transvaal beswaar te maak, moes hy haar siek op [[Boekenhoutfontein]] agterlaat.