Johan Carinus: Verskil tussen weergawes

'''Johan Georg Carinus''' (distrik [[Stellenbosch]], [[11 Junie]] [[1892]] -– [[Kuilsrivier]], [[27 Desember]] [[1968]]) was van 1946 tot 1951 die sewende administrateur van [[Kaapland]] en die laaste tot die einde van die provinsie se bestaan in 1994 wat nie tot die [[Nasionale Party]] behoort het nie.

[[Beeld:Hank McGregor Carinusbrug.jpg|duimnael|regs|200px|Hank McGregor wen die Bergrivier-kanomarathon van 2005 met die Carinusbrug, genoem na Johan Carinus, op die agtergrond. McGregor het die marathon in 2000 gewen en daarna elke jaar van 2005 tot 2012.<ref> {{en}} [http://lowvelder.co.za/199416/mcgregor-miss-berg-marathon/ ''McGregor to miss Berg Marathon''], ''Lowvelder'', [[9 Junie]] [[2014]]. URL besoek op 16 Februarie 2015.</ref>.]]

As bewonderaar van genl. [[Barry Hertzog|J.B.M. Hertzog]] was Carinus aanvanklik lid van die [[Nasionale Party]]. Ten tyde van die samesmelting in 1934 het hy Hertzog se leiding gevolg en lid van die [[Verenigde Party]] geword, maar in 1939 oor die kwessie van neutraliteit in die [[Tweede Wêreldoorlog]] van Hertzog verskil en daarom lid van die VP gebly terwyl al ses NP-lede van die kabinet bedank het.

In 1942 het Carinus die [[Hottentots-Holland (kiesafdeling)|kiesafdeling Hottentots-Holland]] vir die VP verower en dit ook in die algemene verkiesing van 1943 behou. Intussen het hy in 1942 lid geword van die Maatskaplike en Ekonomiese Planneraad wat in daardie tot stand gekom het.Twee jaar later is hy aangestel as administrateur van Kaapland, 'n amp wat hy op [[23 Julie]] [[1946]] aanvaar het. Hy het hom op bekwame wyse van sy taak gekwyt, met die nodige nugterheid, versigtigheid en insig, maar sonder dat hy juis skouspelagtig opgetree het, aldus J.J.J. Scholtz in die ''[[Suid-Afrikaanse Biografiese Woordeboek]]''. Toe sy ampstermyn in 1951 verstryk, het die nuwe NP-bewind hom nie weer as administrateur benoem nie, maar [[Philippus Jacobus Olivier|P.J. Olivier]] uit hul eie geledere aangestel, ten spyte daarvan dat die VP in 1948 amper 53% van die stemme in Kaapland gekry het, vergeleke met die NP se 36,6%. In ''Die Administrasie van Kaapland 1910-19601910–1960'' merk die naamlose skrywer op: "(T)oe hy na 'n ampstyd van vyf jaar uittree, het alle seksies van die bevolking hulde aan hom gebring weens sy minsaamheid en opregte eenvoud van karakter."

Die Laerskool Carinus op [[Cradock]] is na hom genoem asook die Carinusbrug oor die [[Bergrivier]] wat in 1950 voltooi is<ref> {{af}} [http://152.111.1.87/argief/berigte/dieburger/2000/07/06/8/4.html ''Velddrif se Carinus brug 50 j. oud ''], ''[[Die Burger]]'', [[6 Julie]] [[2000]]. URL besoek op 16 Februarie 2015.</ref> en [[Velddrif]] met [[Laaiplek]] verbind en die Johan Carinus-kunssentrum in [[Grahamstad]], waarvan hy die stigting goedgekeur het ná 'n versoekskrif van die hoof van die Hoër Meisieskool Victoria.<ref> {{en}} [http://carinusartschool.blogspot.com/p/about-carinus.html Die geskiedenis van die kunssentrum op sy webtuiste]. URL besoek op 16 Februarie 2015.</ref>. In [[Kaapstad]] heet die Frank Joubert-kunssentrum na 'n voorganger, kapt. [[Frank Joubert]], administrateur van 1939 tot 1942.

* {{af}} {{en}} 1960. ''Die Administrasie van Kaapland 1910-19601910–1960''. Kaapstad: Kaaplandse Provinsiale Administrasie.

* {{af}} Schoeman, B.M. 1977. ''Parlementêre verkiesings in Suid-Afrika 1910-19761910–1976''. Pretoria: Aktuele Publikasies.