|
[[Beeld:Ds PC Snyman en sy eggenote.jpg|duimnael|links|270px|Ds. Snyman en sy eggenote, Gertruida Adriana van Rooy. Sy is in 1919, vier jaar ná haar man, oorlede, waarna haar skoonmoeder, [[Sophia Snyman]], die wese versorg het.]]
[[Beeld:Dr PC Snyman en sy gesin.jpg|duimnael|regs|320px|Dr. [[Flippie Snyman|P.C. Snyman]] en sy gesin. Die latere prof. W.J. Snyman sit regs.]]
Willem Jacobus Snyman is op Burgersdorp gebore as oudste van die sewe kinders van ds. (later dr.) [[P.C.Flippie Snyman|Philippus Christoffel Snyman]] (Burgersdorp, 16 Junie 1875 – Steynsburg, 9 Mei 1915) en Gertruida Adriana (Truitjie) van Rooy (Steynsburg, 21 Mei 1876 – Bethulie, 5 Januarie 1919), ’n dogter van die onderwyser en stamvader van die Van Rooy-familie, [[Johannes Cornelis van Rooy]] (1824–1889), en sy vrou, [[Anne van Rooy|Anne Françoise Holsters]] (1834–1904), die Van Rooy-stammoeder in Suid-Afrika. Sy oupa aan vaderskant, wie se name hy gekry het, ds. W.J. Snyman (gebore op [[28 Augustus]] [[1852]]), was leraar van die [[Gereformeerde kerk Venterstad]] van 1877 tot 1913. Hy is oorlede op [[2 April]] [[1915]], ’n maand en sewe dae voor sy seun dr. P.C. Snyman, die latere prof. Willem Jacobus Snyman se vader. Sy ouers is op [[4 Oktober]] [[1898]] op Burgersdorp getroud, waar dr. Snyman die jaar vantevore saam met sy medestudent dr. [[Jacobus du Plessis]] tot professor aan die [[Teologiese Skool Burgersdorp|Teologiese Skool]] benoem is. Hul tweede kind en oudste dogter, [[Anna Duvenage|Anne]] (1901–1990), sou later trou met ds. Abraham Duvenage, leraar van [[Gereformeerde kerk Petrusburg|Petrusburg]] (1924–1926), [[Gereformeerde kerk Koster|Koster]] (1926–1943), [[Gereformeerde kerk Daspoort|Daspoort]]/[[Gereformeerde kerk Eloffsdal|Eloffsdal]] (1943–1949), [[Gereformeerde kerk Ficksburg|Ficksburg]] (1949–1952) en [[Gereformeerde kerk Witbank|Witbank]] (1953–1964), waar hy sy [[emeritaat]] aanvaar het, sowat drie jaar voor sy afsterwe op [[7 September]] [[1967]]. In 1903 het die gesin, die vader, moeder en hul twee kinders, na [[Steynsburg]] verhuis waar dr. Snyman leraar sou wees van die [[Gereformeerde kerk Steynsburg|plaaslike Gereformeerde kerk]] tot sy dood. Op Steynsburg is ook nog die volgende kinders gebore: Sophia Aletta (1903–1982), Leonie (1904–1998), Esther (1907–1986), Johannes Cornelis (1908–1923) en Vivia Perpetua (1911–2001).
Nadat Willem Snyman se moeder op [[5 Januarie]] [[1919]] op [[Bethulie]] oorlede is, het sy ouma aan vaderskant, [[Sophia Snyman]] (van wie se 11 kinders net vier volwassenheid bereik het), die sorg van die sewe wese wat toe op [[Potchefstroom]] woonagtig was, op haar geneem. (Haar skoondogter se ouers was toe albei reeds oorlede.) Hiermee het die bejaarde moeder volgehou tot haar oudste kleinseun, Willem, in 1924 klaar studeer het, sowat ’n jaar nadat sy enigste broer, Johannes Cornelis, op [[18 Maart]] [[1923]] te Matroosberg oorlede is.
|
