Willem Snyman: Verskil tussen weergawes

Op Venterstad het dr. Snyman gebly tot 1944, waarna hy in die jaar daarop opgevolg is deur ds. [[Izak Krüger|I.D. Krüger]]. Terwyl hy predikant van Venterstad was, het hy in 1928 die verstrooide lidmate in [[Suidwes-Afrika]] besoek voor daar nog enige Gereformeerde kerk in dié mandaatgebied was, en in 1929 het hy die Angolaboere by die Kunenerivier ontmoet tydens die groot repatriasie waarvoor die [[Unie van Suid-Afrika|Unie-regering]] £500 000 bewillig het. Dr. Snyman se laaste gemeente, van 1944 tot 1946, was [[Gereformeerde kerk Krokodilrivier|Krokodilrivier]].

 

In 1946 is dr. Snyman benoem as professor aan die Teologiese Skool vir Nuwe-Testamentiese vakke. Prof. Snyman het die Gereformeerde Kerk verteenwoordig op die Ekumeniese Sinode in [[Edinburgh]], [[Skotland]], 1953, asook op die Sinode van 1936 van die Gereformeerde Kerke in Nederland. Hy het in etlike belangrike sinodale deputategroepe gedien, onder meer vir sending, ekumeniese sake, gesprek met ander kerke en hersiening van die Afrikaanse Bybelvertaling. Hy was ook lid van die [[Suid-Afrikaanse Akademie vir Wetenskap en Kuns]].

 

Op maatskaplike terrein het hy hom veral vir die bevordering van die Calvinisme beywer. Hy was aktiewe lid van die Afrikaanse Calvinistiese Beweging en hoofredakteur van die blad ''Woord en Daad''. Hy het besonder belanggestel in die rassevraagstuk. Hy was redaksielid en medewerker aan die verklarende aantekeninge by die Afrikaanse Bybel.

 

== Gesinslewe ==

Prof. Snyman is op [[30 Desember]] [[1929]] met Hester Kruger ([[8 Augustus]] [[1904]] – [[Viljoenskroon]], [[1 September]] [[1991]]) van [[Steynsburg]] op haar geboortedorp getroud. Haar ouers was Gert Hendrik Jacobus Kruger en Jeanette Francina de Klerk. Uit dié huwelik is vier kinders gebore, van wie die eerste drie op Venterstad en die laaste op Burgersdorp: Philippus Christoffel (gebore [[25 Januarie]] [[1931), Jeanette Francina (gebore [[15 April]] [[1934]]), Gert Hendrik Jacobus (gebore [[25 September]] [[1937]]) en Gertruida Adriana (Truidie, gebore [[22 Desember]] [[1940]] en oorlede op [[Bultfontein]] op [[17 Junie]] [[2013]]). Die Teologiese Skool se gedenkboek ''My erfenis is vir my mooi'' meld dat prof. Snyman se oudste seun ds. P.C. Snyman was, maar dié ds. Snyman was die sewende kind van Anna Francina Snyman (gebore Van Rooy), die vierde kind van sen. Jan van Rooy.