NG gemeente Woodstock: Verskil tussen weergawes

'n Lang tydperk is die wenslikheid bespreek en die behoefte gevoel dat die Papendorpse tak van die moedergemeente beter bearbei kon word en beter aan haar geestelike doel sou beantwoord as dit tot 'n selfstandige gemeente kon kom. Hierdie ideaal is eers op [[30 Oktober]] [[1923]] verwesenlik toe die selfstandige gemeente Woodstock, waarby die wyk [[Soutrivier]] ingesluit was, tot stand kom.

 

 

Vanaf 1941, tydens die bediening van ds. M.N. Janse van Rensburg (1931 - '48), wat terloops van 1934 af in die eerste skoolkomitee van die [[Hoërskool Nassau]] gedien het, word die gemeente bearbei deur twee leraars toe ds. H.R. Cilliers (1941 - '44) as medeleraar bevestig word. Toe kon intensiewer bearbeiding gedoen word. Volgens die ''Jaarboek van die Nederduits Gereformeerde Kerke in Suid-Afrika 1933'' het die gemeente in 1932 'n volle 1 403 lidmate en 3 603 siele (kinders, en volwassenes wat nie aangeneem is nie) gehad. In dieselfde jaar is 116 kinders gedoop, 85 aangeneem en 20 paartjies getroud.