Verskil tussen weergawes van "Gereformeerde kerk Worcester"

geen wysigingsopsomming nie
Die gemeente Worcester is op [[28 November]] [[1954]] gestig as slegs die derde gemeente in wat later Klassis Boland sou word. Aan die begin het dit as Worcester-Paarl bekendgestaan omdat dié twee wyke gesamentlik van die [[Gereformeerde kerk Kaapstad]] afgestig het. Die [[Gereformeerde kerk Paarl]] het op [[23 April]] [[1963]] van Worcester afgestig sodat die gemeentegrense nou (2016) buiten die hoofdorp, [[Worcester]], ook [[Ashton]], [[Barrydale]], [[Bonnievale]], [[Ceres]], [[De Doorns]], [[McGregor]], [[Montagu]], [[Rawsonville]], [[Robertson]], [[Sutherland]], [[Villiersdorp]] en [[Wolseley]] insluit.
 
Aanvanklik het die lidmate van die samegestelde gemeente op Worcester in die Biesenbachsaal van die Skool vir Blindes eredienste gehou. Later is ’n erf oorkant die saal gekoop sodat dit vir blinde lidmate makliker sou wees om self by die kerk uit te kom. Die argitek Dirk Swart was verantwoordelik vir die bouplan en die bouaannemer was Jan Brand. Die gebou is in ’n A-raam gebou met reusagtige, gelamineerdergelamineerde houtbalke. Aan die noordekant is ’n baie groot venster met ’n uitsig op die Brandwagberge. P.A. Venter het die afwerking aan die banke en preekstoel gedoen. Die gebou bied sitplek aan 400 mense.
 
André Wattel van [[Kaapstad]] het die pyporrel gebou. Weens die grootte van die gemelde venster het die son se hitte die allooi van die orrelpype laat knak. Die pype is vervang en ’n houtafskorting voor die pype geplaas om die hitte af te keer. Die toring is in die Kaap van glasvesel vervaardig volgens die argitek se ontwerp. ’n Sterk wind het dit egter getref drie dae nadat dit opgerig is en ’n stuk daarvan het afgebreek. Dit is later herstel en staan nou nog.
85 790

wysigings