Die skool het ontstaan uit die [[Teologiese Skool Burgersdorp]] van die [[Gereformeerde Kerke in Suid-Afrika|Gereformeerde Kerk]] wat in 1869 gestig is om in die behoefte aan predikante vir dié kerkverband te voorsien. Die Teologiese Skool het ook onderrig aan sekondêre leerders gebied ter voorbereiding op hul teologiese studie aangesien godsdiensonderrig aan staatskole in die [[Kaapkolonie]] in 1865 gestaak is.
Die Voorbereidende Skool het in 1907 onder beskerming van die Teologiese Skool op Potchefstroom ontstaan nadat laasgenoemde eindebegin 19041905 volgens ’n besluit van die Gereformeerde Sinode op [[Middelburg, Oos-Kaap|Middelburg, Kaap]], daarheen verhuis het. Die Voorbereidende Skool se stigters was proff. [[Jan Kamp]], A.P.C. Duvenhage, [[Jan Lion Cachet]], [[Ferdinand Postma]] en dr. [[Totius|J.D. du Toit]], indertyd leraar van die [[Gereformeerde kerk Potchefstroom]]. Prof. Kamp het baie jare lank die Nederlandse taal en letterkunde aan die leerlinge onderrig, was tot 1915 lid van die skoolkomitee (ook as sekretaris) en vanaf 1921 lid van die beheerraad van Potchefstroom Gimnasium. Hy het op 'n heel beskeie wyse 'n besonderse invloed op die gees en rigting van Potchefstroom Gimnasium uitgeoefen en was tot en met sy dood in 1924 in noue kontak met die skool.<ref>{{af}}[http://dspace.nwu.ac.za/bitstream/handle/10394/10130/Dreyer_LA_Chapter_6.pdf?sequence=7 Enkele boumeesters van Potchefstroom Gimnasium]. URL besoek op 16 Julie 2016.</ref>
In sy eerste jaar het die Voorbereidende Skool ses leerlinge in st. 4 tot 7 gehad wat klas geloop het in die Teologiese Skool se biblioteek. Die eerste onderwyser was H.J.J. (lord John) van der Walt, wat later hoof geword het van die [[Normaalskool, Steynsburg|driedelige onderwysinstelling]] van die Gereformeerde Kerk op [[Steynsburg]]. DeurDanksy ds. [[Willem Johannes de Klerk|W.J. de Klerk]], Totius se opvolger as predikant van die plaaslike Gereformeerde kerk, se onvermoeide geesdrif het die Potchefstroom Gimnasium in 1915 en die Potchefstroomse Universiteitskollege vir Christelike Hoër Onderwys (nou die Potchefstroomse Kampus van die [[Noordwes-Universiteit]]) in 1919 tot stand gekom.
