Elize Botha: Verskil tussen weergawes

| beeld = Prof Elize Botha.jpg

| beeldbeskrywing = Prof. Elize Botha

| onderskrif = Prof. Elize Botha

Professor '''Elize Botha''', gebore '''Elizabeth Lindes''', ([[Krugersdorp]], [[Suid-Afrika]], [[19 November]] [[1930]] – [[Pretoria]], [[Suid-Afrika]], [[16 November]] [[2007]]) was 'n [[Suid-Afrikaanse]] akademikus wat onder andere kanselier van die [[Universiteit van Stellenbosch]] en voorsitter van die [[Suid-Afrikaanse Akademie vir Wetenskap en Kuns]] was.

Elizabeth Lindes is op [[19 November]] [[1930]] aswas die jongste van twee kinders op [[Krugersdorp]] gebore.<ref name=":0">Esat: http://esat.sun.ac.za/index.php/Elize_Botha</ref> Sy het ’n ouer broer, Nick, gehad. Haar pa, Klaas Lindes, wa hoof van die tweemanplaasskool op Koesterfontein, sowat 8&nbsp;km wes van [[Magaliesburg]], waar sy grootword en begin skoolgaan. Aanvanklik is haar pa onderwyskollege toe, waar hy ’n onderwysdiploma verwerf het, en eers in [[1920]] is hy op 28-jarige ouderdom na die [[Universiteit Stellenbosch|Universiteit van Stellenbosch]] vir sy graadstudie.<ref name=":1">Esaach: http://www.esaach.org.za/index.php?title=Botha,_Elize_(Elizabeth)</ref> Hier was hy een van die eerste inwoners van [[Dagbreek]], die manskoshuis. Haar ma was Bess Lindes, wat die orrel bespeel het vir die [[NG gemeente Magaliesburg|plaaslike NG gemeente]]. Elize het tot st. 2 skoolgegaan op Koesterfontein. Toe die skool op Koesterfontein moes sluit, het die gesin na Magaliesburg verhuis, waar haar pa skoolgehou het tot met sy aftrede in [[1951]]. Elize voltooi hier haar laerskoolopleiding, waarna die gesin trek na die nabygeleë Krugersdorp-Noord. In [[1947]] matrikuleer sy aan die [[Hoërskool Monument]] in Krugersdorp, waar sy ook ’n prefek was. Sy kry onderskeidings in [[Afrikaans]], [[Engels]], [[Duits]], Natuur- en Skeikunde en [[Wiskunde]]. In [[1948]] gaan sy na die Universiteit van Stellenbosch, waar sy in [[1950]] ’n B.A.-graad cum laude behaal met Afrikaans-Nederlands en Engels as hoofvakke. Onder leiding van professor F.E.J. Malherbe behaal sy in [[1952]] ’n M.A.-graad met ’n verhandeling oor ''Die poësie van D.J. Opperman met verwysing na verwantskappe met T.S. Eliot''. Op universiteit is sy lid van die Studenteraad, primaria van Huis ten Bosch en dien ook op die redaksie van die studentetydskrif ''Die Stellenbosse Student''. Sy werk hierna vanaf Augustus 1952 tot Mei [[1953]] as joernalis by ''[[Die Burger]]''. Die Porter-stipendium word deur die Universiteit van Stellenbosch aan haar toegeken en met behulp hiervan sit sy dan haar studies in [[Amsterdam]] voort.<ref name=":2">Stellenbosch Writers: http://www.stellenboschwriters.com/bothae.html</ref> Op [[22 November]] [[1955]] behaal sy onder leiding van [[N.P. van Wyk Louw]] ’n doktorsgraad (D.Litt. et Phil.-graad) met lof aan die Gemeentelike Universiteit van Amsterdam. Die titel van haar proefskrif is ''Veelheid en binding: ’n Bydrae tot die ondersoek van die eenheidsprobleem in die literatuurwetenskap'', wat ’n studie is oor [[D.J. Opperman]] se ''Sprokie van die spikkelkoei''.<ref name=":0" /> Sy is op [[24 Maart]] [[1956]] getroud met professor Johan Botha, wat sy in 1950 op universiteit ontmoet het. Hy is ’n broer van oud-minister [[Pik Botha]]. Die egpaar het drie kinders, twee dogters (Liesbeth en Maria), en ’n seun (Frederik).