Die Sydney Operahuis is 'n [[ekspressionistiese argitektuur|ekspressionistiese]] moderne ontwerp met 'n reeks groot voorafgegote betondopstrukture,<ref>[http://nsw.royalsoc.org.au/journal_archive/106_12_lewis.html Artikel deur die Royal Society of New South Wales]</ref> wat elkeen ontwikkel is uit 'n [[sfeer|hemisfeer]] met dieselfde radius wat die dak van die gebou vorm bo-op 'n podium. Die gebou beslaan sowat 1,8 hektaar en is 183 meter lank en 120 meter breed op sy breedste punt. Dit word ondersteun op 588 betonpilare wat 25 meter onder seevlak begrawe is. Die kragverbruik van die gebou is gelykstaande aan 'n dorp met 25 000 mense met 645 kilometer se elektriese kabel daarin.
Die dopstrukture van die Operahuis is bedek met 'n subtiele chevron-patroon wat uitgelê is met 1 056 006 glanswit en mat roomkleurige Sweedsvervaardigde teëls,<ref>{{cite book
