BBC: Verskil tussen weergawes

|intl =

}}

Die '''British Broadcasting Corporation''' (afgekort '''BBC''') is die openbare uitsaaier van die [[Verenigde Koninkryk]].<ref name="HAT Taal-en-feitegids">HAT Taal-en-feitegids, Pearson, Desember 2013, ISBN 978-1-77578-243-8</ref> Dit is in 1922 gestig as een van die oudste uitsaaiers ter wêreld. Sy hoofverantwoordelikheid is die uitsaai van onpartydige televisie- en radioprogramme in die Verenigde Koninkryk, op die [[Kanaaleilande]] en die [[Eiland Man]]. Volgens sy personeelgetal van 23&nbsp;000 is dit die grootste uitsaaikorporasie ter wêreld.

 

Die BBC se hoofkwartier is in ''Broadcasting House'' op Portlandplein, Londen, met groot produksieateljees in [[Belfast]], [[Birmingham]], [[Bristol]], [[Cardiff]], [[Glasgow]], [[Londen]] en Salford Quays ([[Manchester|Groter Manchester]]) en kleiner ateljees dwarsoor die Verenigde Koninkryk.

 

In regtelike opsig is die BBC 'n halfoutonome uitsaaier wat volgens 'n Koninklike Oktrooi en onder 'n lisensie en ooreenkoms met die Britse minister van binnelandse sake bedryf word. Die BBC se bedrywighede word in die Verenigde Koninkryk hoofsaaklik deur televisielisensies gefinansier wat jaarliks deur alle Britse huishoudings, maatskappye en organisasies, wat enige toestel besit waarmee televisieprogramme ontvang kan word, betaal moet word. Die bedrag van dié lisensie word jaarliks deur die Britse regering vasgelê en deur die parlement goedgekeur.

 

Buite die Verenigde Koninkryk word radioprogramme regstreeks deur die BBC se Wêrelddiens of deur ander radiostasies op kontrakbasis uitgesaai. Internasionale radiodienste is vir die eerste keer op 19 Desember 1932 aangebied toe die BBC se Ryksdiens (''BBC Empire Service'') in die lewe geroep is. Intussen word ook televisieprogramme en aanlyndienste vir buitelandse gehore verskaf.

 

== Eksterne skakels ==

* {{en}} [http://www.bbc.co.uk/ Die BBC se amptelike webtuiste]

 

[[Kategorie:Uitsaaikorporasies]]