Izak David du Plessis: Verskil tussen weergawes

Du Plessis is op [[3 Julie]] [[1826]] met die 15-jarige [[Hester Venter]] (30 Januarie 1811 – 24 Januarie 1869) getroud, ’n maand ná sy 18de verjaardag. Onder haar broers was [[Koos Venter|J.J.]] ’n stigter van die Gereformeerde Kerk in die [[Oranje-Vrystaat]] en twee maal waarnemende president van die republiek, en ds. [[Sarel Venter|S.D. Venter]] die eerste predikant van die [[Gereformeerde kerk Bethulie]] onder wie se leiding ’n deel van die gemeente in 1877 afgeskei het. Hester du Plessis was 'n prominente leidster in die kerklike stryd binne die gemeente Colesberg tydens die bediening van ds. [[Thomas Reid]]. By haar oorlyde het haar eggenoot 'n waardering oor haar karaktereienskappe as Christin, vrou en moeder gepubliseer, naamlik ''Verhaal van het leven en zalig afsterven van wijlen Mejufvrouw Hester du Plessis, geboren Venter, dochter van Jan Adriaan Venter en Margaretha Johanna Louw'' (1869). Dr. Spoelstra skryf: "Sy het onteenseglik 'n groot invloed op Du Plessis uitgeoefen." Ná haar oorlyde is hy getroud met Helena Margaretha Lessing.

Uit die eerste huwelik is 14 kinders gebore van wie drie jonk oorlede is. Uit die tweede huwelik is ses kinders gebore. Verskeie prominente Afrikaanse families stam uit hierdie huwelike: Christina Magdalena du Plessis, getroud met Nicolaas Kruger van Schalk-wykskraal, [[Venterstad]], was die moeder van ds. [[Izak Krüger|I.D. Krüger]]; Debora was die moeder van wyle dr. Hennie Steyn, gewese sekretaris van finansies, en prof. Douw Steyn, farmakoloog; I.D. jr. was die vader van [[Daniël du Plessis|D.H.C. du Plessis]], in lewe hoofbestuurder van die Suid-Afrikaanse Spoorweë en Hawens; en ds. [[Louw du Plessis|Lodewikus Johannes du Plessis]] was die vader van prof. J.A. du Plessis, die vader van proff. [[Wicus du Plessis]] en [[Hugo du Plessis]] en die vroueleier in die Gereformeerde Kerk [[Ida Bosman]].

 

== Bronne ==